JETEKShI PARTIIаLAR YNTYMAQTASTYǴY

19 sáýirde Orenbýrg qalasynda “Nur Otan” halyqtyq-demo­kratııalyq partııa­synyń shekara­las fılıaldary men “Edınaıa Rossııa” Jalpyreseılik saıası par­tııasynyń Keden odaǵy boı­ynsha jumys máselelerine ar­nal­ǵan ekinshi aımaqaralyq forýmy ótti. Onyń jumysyna “Nur Otan” partııasy Tóraǵasynyń birinshi orynbasary Nurlan Nyǵmatýlın, Orenbýrg oblysynyń gýber­natory Alekseı Chernyshev, “Edınaıa Ros­sııa” partııasy tóraǵasynyń oryn­basary, Memlekettik Dýma depý­taty Vladımır Pehtın, Qazaqstan Respýblıkasy Par­lamenti Máji­li­siniń depýtattary, Reseı Federa­sııasy Federaldyq Jınalysy Memlekettik Dýmasynyń depýtat­tary, “Nur Otan” HDP men “Edınaıa Rossııa” JSP aımaqtyq fılıaldarynyń ókilderi qatysty. Qazaqstan Respýblıkasynyń Prezıdenti, “Nur Otan” partııa­sy­nyń Tóraǵasy Nursultan Nazarbaevtyń saıasaty Qazaq­stan­nyń TMD-daǵy ıntegrasııalyq úderisterge belsene aralasýyna ba­ǵyt­talǵan. “Jańa onjyldyq – jańa ekonomıkalyq órleý – Qa­zaqstannyń jańa múmkindikteri” Joldaýynda Elbasy: “...2010 jyldyń 1 qańtarynan kúshine en­gen Belarýs jáne Reseımen Keden odaǵyn qurý – bul qazaq­standyq barlyq ıntegrasııalyq bastamalar­dyń aldy”, – dep atap ótken bolatyn. Forým Qazaqstan, Reseı jáne Belarýs arasyndaǵy Keden oda­ǵyn nyǵaıtýǵa arnalǵan birlesken jumystyń qarqyndy jalǵasyna aınaldy. Ásirese, Qazaqstan men Reseıdiń bıleýshi partııalarynyń Keden odaǵyn damytýdaǵy róline basa nazar aýdaryldy. Sondaı-aq, Qazaqstan men Reseı azamattaryn Keden odaǵynyń maqsaty men min­det­teri týraly tolyqtaı aqparat­tan­dyrýǵa, jańa qurylym jumy­syn tabysty júzege asyrý úshin qa­jet zańdar men basqa da nor­matıvtik aktilerdi úılestirý úshin partııanyń Parlamenttegi fraksııalarynyń jumysyn ret­teý­ge, jáne de partııalar men olar­­dyń shekaralas fılıal­dary­nyń ynty­maq­tastyǵyn arttyrýǵa erekshe kóńil bólindi. Forýmda Keden odaǵyna qaty­sýshy elderdiń ıntegrasııalyq bo­lashaǵy men negizgi baǵyttary, eki partııanyń shekaralas aımaqtarda Odaq jumysyn júzege asyrýda­ǵy aımaqtyq qurylymdarynyń róli talqyǵa salynǵan birqatar ses­sııalar jumys istedi. Forým nátıjesinde tıisti qa­rar qabyl­dandy. Sonymen qatar, Nurlan Nyǵmatýlın­niń eki jetekshi partııanyń birlesken is-sharalary baǵdarlamasy aıasynda Vladımır Pehtınmen kezdesýi ótti. Kezdesýde ótken jyly Sankt-Pe­terbýrgte qol qoıylǵan Yn­ty­maq­tas­tyq týraly hattamanyń oryn­da­lýy jaıly áńgime órbip, tarap­tar onyń barlyq baptarynyń júzege asyrylyp jatqanyn atap kórsetti. “Egemen-aqparat”.