Atap aıtqanda, depýtattar Keden odaǵyna múshe memleketterdiń keden qyzmetteriniń Birikken alqasy týraly shartqa ózgerister engizý týraly hattamany ratıfıkasııalaý týraly zań jobasyn maquldady.
Hattamany ratıfıkasııalaý odaǵyna múshe memleketterdiń keden qyzmetteriniń Birikken alqasy týraly sharttyń termınologııasyn EAEO týraly sharttyń jáne EAEO-nyń Keden kodeksi týraly sharttyń erejelerine sáıkes keltirýge múmkindik beredi.
Osy shartqa ratıfıkasııalyq túzetýlerdi qaraý barysynda depýtattar 10 jumys tobynyń ishinen túrli baǵyttar boıynsha birikken áriptestik sheńberinde tek bireýin qazaqstandyq tarap, al 9-yn Reseı ókilderi basqaratynyna nazar aýdardy. Májilis Tóraǵasy Nurlan Nyǵmatýlın bul máseleniń Qazaqstannyń múddesin qorǵaý úshin mańyzdylyǵyn aıtyp, depýtattar barlyq parlamenttik ıntegrasııalyq birlestikterdegi jumys tásilderin ózgertý úshin kóptegen sharalardy qolǵa alyp kele jatqanyn aıtty.
N.Nyǵmatýlınniń pikirinshe, osyndaı qadamdardy jumys organdarynda da jasaý kerek. Sonymen qatar, jalpy otyrysta Palata TMD-ǵa qatysýshy memleketterdiń bas bostandyǵynan aıyrýmen baılanysty emes jazalardy oryndaýdy berý týraly konvensııany ratıfıkasııalaý týraly zań jobasyn maquldady.
Bul Konvensııanyń maqsaty Ýaǵdalasýshy Taraptardyń bas bostandyǵynan aıyrýmen baılanysty emes jazalardy oryndaýǵa nemese jazany oryndaýshy memlekettiń azamatyna qatysty jaza taǵaıyndalǵan memlekettiń soty taǵaıyndaǵan qylmystyq-quqyqtyq sıpattaǵy sharalardy qoldaný jónindegi qatynastaryn retteý.
Búgin depýtattar tarapynan maquldanǵan ratıfıkasııalyq qujattardyń qatarynda «Memleketaralyq standarttaý jónindegi qujattardy taratý týraly kelisimdi ratıfıkasııalaý týraly» zań jobasy bar. Osy Kelisimdi ratıfıkasııalaý memleketaralyq standarttaý jónindegi qoldanylatyn qujattardyń anyqtyǵy men ózektiligin jáne memleketaralyq standarttaý jónindegi qujattardy taratý qaǵıdattarynyń tutastyǵyn qamtamasyz etý úshin quqyqtyq negiz jasaýdy qamtamasyz etýge múmkindik beredi.
Jalpy otyrysta Májilis komıtetteri birshama jańa zań jobalaryn jumysqa aldy. Olar sot júıesi men sýdıalarynyń mártebesi, Ákimshilik quqyq buzýshylyq týraly kodekske ózgerister engizý jáne sot júıesin jańǵyrtý máseleleri boıynsha túzetýler engizý týraly zań jobalary.
Sondaı-aq, jumysqa alynǵan qujattardyń qatarynda Eńbek kodeksine qashyqtyqtan jumys isteýdi quqyqtyq retteýdi jetildirý máselelerine qatysty jáne Qazaqstan men Reseı arasyndaǵy «Mıneraldyq tyńaıtqyshtar shyǵarý zaýytyn salý jáne paıdalaný» jobasyn iske asyrý týraly kelisimdi ratıfıkasııalaý týraly zań jobalary bar.
Otyrys sońynda Májilis depýtattary memlekettik organdar basshylaryna depýtattyq saýaldar joldady.
Olardyń qatarynda D.Nazarbaeva, A.Mılıýtın, J.Ahmetbekov, E.Smaılov, E.Jańbyrshın, N.Dementeva, A.Jumabaeva, D.Turganov, F.Qarataev, A.Sembınov, E.О́mirǵalı, A.Perýashev, A.Paıaev, A.Raý bar.
