Nemis kompanııasynyń basshylyǵy «bolashaq mobıldigi» strategııasy aıasynda Qytaıda ushatyn avtokólikterdi shyǵarý jumysyn talqylap jatyr.
«Biz bul tásildiń ındýstrııalandyrý múmkindigin anyqtaý úshin tujyrymdamalar men seriktesterdi tehnıkalyq-ekonomıkalyq negizderge sáıkes zertteımiz», dep habarlady kompanııa ókilderi.
Volkswagen kompanııasynyń bas dırektory Gerbert Dıss pen kompanııanyń Qytaı bólimshesi basshysy Stefan Výllenshteınniń Linkedin-ge bergen suhbatynda Qytaıda lısenzııa alýǵa bolatyn, ushatyn kólik jasaǵysy keletinin aıtty.
Bas dırektordyń aıtýynsha, bul Volkswagen úshin bolashaq naryqtan oryn alýǵa úlken múmkindik beredi.
Budan bólek, Qytaıdaǵy avtokólik naryǵy suranys pen usynys turǵysynan eń tabysty sala. 2020 jyly elde 200 mıllıon kólik quraly tirkelgen.
Aıta keteıik, buǵan deıin Japonııada ushatyn kólik synaqtan sátti ótken edi.
