Aımaqtar • 11 Aqpan, 2021

Aýǵanstan soǵysy ardagerlerine arnalǵan sýret kórmesi ótti

1670 ret

kórsetildi

1 mın

oqý úshin

Almaty qalasy Áýezov aýdany ákimi apparatynyń mádenıet jáne tilderdi damytý bóliminiń uıymdastyrýymen QR Táýelsizdiginiń 30 jyldyǵyna oraı, óskeleń urpaqty ultjandylyqqa, otansúıgishtikke tárbıeleý maqsatynda N.Sas atyndaǵy Balalar jáne jasóspirimder akademııalyq teatrynda Aýǵan soǵysy ardagerlerine arnalǵan «Otqa oranǵan jastyq shaq» taqyrybyndaǵy sýret kórmesi ótti.

Elvıra SERIKQYZY

Aýǵanstan soǵysy ardagerlerine arnalǵan sýret kórmesi ótti

Kórmege Aýǵan soǵysynyń ardegerleri, jas sýretshiler qatysty. Is-sharada Almaty qalasy Áýezov aýdany ákiminiń orynbasary Rınat Keneev quttyqtaý sózin sóılep, ardagerlerdi jáne ujymdy aýdan ákiminiń alǵys hattarymen marapattady. Sonymen qatar, otan qorǵaýdaǵy jáne jastarǵa patrıottyq tárbıe berý jolyndaǵy eńbekteri úshin Abaı atyndaǵy QazUPÝ О́ner, mádenıet jáne sport ınstıtýty «Kórkem bilim» kafedrasynyń oqytýshylary Bazar Yrystanuly (Shyǵarmashylyq jumysy: Beıbitshilikti ańsaý) «Aýǵanstan ardagerleri» respýblıkalyq qoǵamdyq birlestiginiń batyr Baýyrjan Momyshuly atyndaǵy «Batyr shapaǵaty» tósbelgisimen, Ernat Imanbakıev (Shyǵarmashylyq jumysy: Dostar áni) «Qurmetti ustaz» tósbelgisimen jáne qurmet gromatalarymen marapattaldy.

Kórmege qoıylǵan jas oqytýshylar jumystary kórermender tarapynan joǵary baǵasyn alyp, «Aýǵanstan ardagerleri» uıymynyń qoryna berildi.

ALMATY