QAZAQSTAN ÚLGISINIŃ BALAMASY JOQ

Basqa basylymdardan Elbasy N.Nazarbaevtyń Iаdrolyq qarýsyzdaný jónindegi jahandyq sammıtte sóılegen sózin álemdik qoǵamdastyq joǵary baǵalaýda Qazaqstan Respýblıkasynyń Prezıdenti Nursultan Nazarbaevtyń Iаdrolyq qaýipsizdik jónindegi jahandyq sammıtte sóılegen sózi álemdik jetekshi buqaralyq aqparat quraldarynda keńinen pikir týǵyzdy. Yqpaldy “The Washington Times” gazetiniń jýrnalısi M.Sıf “Qazaqstan – qysqa merzimde paıda men áskerı shamshyl­dyqqa baıla­nys­ty barlyq aldamshy áserlerge qarsy tura bilgen tarıhtaǵy tuńǵysh mu­sylman memleketi, ıaǵnı ózine tıe­sili barlyq áskerı ıadrolyq ar­senalyn óz erkimen joıǵan tarıh­taǵy tuńǵysh memleket boldy”, dep málimdedi. M.Sıftiń pikirinshe, Qazaq­stannyń munaı-gaz ken oryndary men ózge de mı­ne­ral­dyq resýrstardy ıgerýde, sondaı-aq halyqtyń ómir súrý deńgeıin arttyrýda qol jet­kiz­gen ǵalamat tabystary álemdegi kóp­tegen damýshy elderge jarqyn mysal bola alady. Osy gazette jýrnalıst M.Koýl­mannyń “Iаdrolyq otyn banki jónindegi bastama halyqaralyq qo­ǵam­dastyq tarapynan  qoldaý tap­ty” dep atalatyn maqalasy da ja­rııa­­landy. Onda sońǵy 20 jyl be­de­rinde Qazaqstannyń ıadrolyq qa­rýsyzdaný boıynsha óziniń álemdegi ornyn dáıektilikpen nyǵaıta túskeni atap kórsetiledi. Maqala avtorynyń pikirinshe, Qazaqstan qaýipsiz atom energııa­syn ózi úshin jáne ózge de múddeli mem­leketter úshin damytý baǵdar­la­ma­syn keńeıtý baǵytynda óziniń geo­saıası yqpalyn qoldanýǵa um­ty­lyp otyr. “Haffington Post” (AQSh) ın­ternet gazetinde “The Hill” gazetiniń redaktory A.Aızlıdiń “Nelikten Qazaqstan Iаdrolyq qaýipsizdik jónindegi jahandyq sammıtte de flagman bolyp tabylady” dep ata­latyn saraptamalyq maqalasy jaryq kórdi. Onda avtor Qazaq­stan­nyń ıadrolyq qarýsyzdaný salasyndaǵy teń­dessiz róli men jasampazdyq kóshbasshyly­ǵyn jan-jaqty derektermen dáıekteıdi. “Politiko” agenttigi (AQSh) Qa­zaqstan Respýblıkasynyń Prezı­denti N.Nazarbaev Semeı polıgonyn jaýyp, Qazaqstandy ıadrolyq qarýdan azat etip, shyn mánindegi kóshbasshylyǵyn aıǵaqtady, dep atap kórsetedi. Búgin bul polıgon qarýsyzdaný men bolashaqqa degen úmittiń sımvoly bolyp tabylady. Ortalyq Azııany ıadrolyq qarýdan azat aımaq dep jarııalaý týraly kelisimge dál osy jerde qol qoıyl­ǵan bolatyn. “Habar” agenttiginde Smıtson ıns­tıtýty Azııa bólimshesiniń dı­rektory (AQSh) P.Teılor Qa­zaq­stan – 20 jyl ishinde álemdegi yr­ǵaq­ty damyp kele jatqan elder sa­na­tyna qosyla bilgen ǵalamat mem­leket, dep málimdedi. P.Teılordyń esepteýinshe, Qazaqstan basshysy N.Nazarbaevtyń Iаdrolyq qaýip­siz­dik jónindegi jahandyq sammıtte kópshiliktiń nazarynda bolǵany kezdeısoqtyq emes. Qazaqstan Prezıdentiniń Reseı­diń “Izvestııa” gazetinde jarııa­lan­ǵan “Alyp aýqymdy álem jáne ıadro­lyq qaýipsizdik” dep atalatyn maqalasyna únqosýlar da barshylyq. “Caspionet” telearnasynda Nıderlandtyń “ROI International” memlekettik basqarý ınstıtýty­nyń dırektory M.Mıýızenberg Qazaq­stan basshysynyń maqa­lasymen tanysqannan keıin Amsterdam Qa­zaq­stannyń ıadrolyq qarýdy tarat­paý jáne atom ener­­gııasyn beıbit maqsatta paıdalaný jónindegi bas­tamasyn qoldaıty­nyn málimdedi. Onyń sózine qaraǵanda, Qazaq­stan janjaldarǵa tartylǵan el­der­diń spesıfıkasyn jaqsy bilgen­dik­ten, sozylmaly janjaldar dep atalatyn kıkiljińderdi retteýde úlken ról atqarady. “Klıngendeıl” halyqaralyq qa­tynastar ınstıtýtynyń (Nıder­land) qyzmetkeri K.Tempel óz maqalasynda Qazaqstan Prezıdenti N.Nazarbaev MAGATE-niń týy as­tynda halyqaralyq ıadrolyq otyn bankin qurý týraly ıdeıalarymen bó­lisedi, dep málimdedi. Onyń pikirinshe, N.Nazarbaevtyń barlyq bastamalary halyqaralyq qoǵam­das­tyq tarapynan qoldaý tabatyn bolady. “Strana ı Mır” gazetinde Ja­ponııanyń Azııa Tynyq muhıty ýnıversıtetiniń ǵalymdary Qa­zaq­stan Prezıdenti N.Nazarbaevtyń beıbit antııadrolyq bastamalaryn to­lyqtaı qoldaıtyndaryn málim­dedi. Olar basqa memleketterdiń azamattaryn ıadrolyq qarýlardy taratpaýǵa, ıadrolyq qarýdy jal­py­ǵa birdeı gorızontaldi jáne vertıkaldi taratpaý týraly jańa ámbebap kelisim túzýge ózderiniń únderin qosýǵa shaqyrdy.