Uıym belsendileri «Astana Tazalyq» kommýnaldyq memlekettik mekemesiniń jumysshylaryna qolushyn sozyp, kómek kórsetti. Shara barasynda jumysshylarǵa ystyq shaı men baýyrsaq taratyldy.
Atalǵan sharaǵa Qorǵanys mınıstrliginiń ókilderi, «Jas Sarbaz» qozǵalysynyn eriktileri jáne uıym tóraǵasy Ashat Nalshybek te qatysty.
«Jassarbazdyqtarǵa rızashylyǵymdy bildirgim keledi. Qytymyr aıazda bizdiń kóńil-kúıimizdi kóterip, jumysymyzǵa qolǵabys etti. Qýantarlyǵy, jastar meshitke baryp, meshit aldyn tazalaýǵa kóp kómek kórsetti. Elorda jastarynyń osyndaı janashyrlyǵy júrekti eljiretpeı qoımaıdy», «Astana Tazalyq» KMM jumysshysy Imnalına Kúlándá.
«Áskerı-patrıottyq qozǵalys «30 ıgi is» aksııasy aıasynda birqatar is-sharany atqaryp jatyr. Aıta keteıik, biz osy aksııa sheńberinde Ekinshi dúnıejúzilik jáne Aýǵan soǵystary ardagerlerine, áleýmettik jaǵdaıy tómen kópbalaly otbasylarǵa, tyl eńbekkerlerine, pandemııa kezinde aıanbaı jumys istegen áskerı dárigerlerge, sondaı-aq qarttar úıi men balalar úılerine árdaıym kómektesý − azamattyq boryshymyz dep bilemiz. Sonymen qatar elordadan basqa jastar birlestikterin bizben birge atsalysýǵa shaqyramyz», deıdi A.Nalshybek.
