Kórsetkish boıynsha kósh basynda AQSh, Úndistan, Brazılııa, Reseı jáne Ulybrıtanııa tur. Kúnshyǵys elinde ótken táýlikte 121 adam koronavırýstan qaıtys boldy. Bul pandemııa bastalǵannan beri Japonııadaǵy ólimniń eń joǵary kórsetkishi desek te bolady. Aıta keterligi, qaýipti indet bastalǵaly elde lokdaýn bolmaǵan.
Sonymen qatar Germanııa úkimeti karantındik sharalardy 7 naýryzǵa deıin uzartty. Bılik jańa shtammdarǵa qatysty pikir bildirdi. Bıliktiń málimetinshe, mýtasııa – ornyn basyp, buǵan deıingi vırýs joıylady. Degenmen Germanııadaǵy shashtarazdar 1 naýryzdan bastap ashylady. Meıramhanalarda tamaqtanýǵa ruqsat etilgen. Biraq mektepterdi ashý týraly sheshim jergilikti bıliktiń enshisinde.
Al Grekııa basshysy Kırıakos Mısotakıs el astanasynda qatań karantın jarııalady. Barlyq oqý ordasy qashyqtan oqý formatyna kóship, azyq-túlik satatyn dúkenderden basqasynyń barlyǵy jabylǵan. Bıliktiń mundaı sheshim qabyldaýyna óńirde vırýstyń mýtasııalanǵan túriniń jyldam taralýy sebep boldy.
