Tehnologııa • 12 Aqpan, 2021

Túrkııa Aıǵa ǵarysh apparatyn jiberedi

530 ret
kórsetildi
1 mın
oqý úshin

Túrkııa prezıdenti Redjep Erdoǵan Ulttyq ǵarysh baǵdarlamasynyń tusaýkeser rásiminde 2023 jyldyń sońyna deıin Aıǵa ǵarysh apparatyn ushyrýdy josparlap otyrǵanyn aıtty, dep habarlaıdy Egemen.kz

Túrkııa Aıǵa ǵarysh apparatyn jiberedi

Redjep Erdoǵannyń aıtýynsha, ǵarysh apparaty Aıǵa eldiń júz jyldyǵyna oraı qonady. Odan bólek, prezıdent Túrkııa ǵarysh aılaǵyn salýdy josparlap otyrǵanyn tilge tıek etti.

«Eldi jahandyq ǵaryshtyq jarystyń joǵarǵy lıgasyna shyǵaratyn Ulttyq ǵaryshtyq baǵdarlamanyń jol kartasy sátti júzege asyrylady», dedi el prezıdenti.

Redjep Taııp Erdoǵan sońǵy 18 jylda Túrkııa spýtnıktermen, ǵaryshpen, ushyrý júıelerimen jáne ǵarysh jabdyqtarymen baılanysty 56 jobaǵa 2,1 mıllıard lır (125 mıllıard teńge) bólgenin aıtty. 

«Túrkııa Ulttyq ǵarysh baǵdarlamasy aıasynda ǵarysh meteorologııasyna ınvestısııa salý arqyly ǵaryshtaǵy básekege qabilettiligin arttyrýǵa nıetti», dedi el basshysy.

 

Sońǵy jańalyqtar