Shyǵys Qazaqstan oblystyq polısııa departamenti baspasóz qyzmetiniń málimetine súıensek, qańtar aıynyń sońynda «102» jedel arnasyna 40 jastaǵy áıel habarlasyp, bir jyldan astam ýaqyt buryn turǵyn úı satyp alýǵa kómektesýge ýáde bergen 31 jastaǵy qala turǵynyna shara qoldanýdy suraǵan.
«Tergeý barysynda 2019 jyldyń tamyz aıynyń ortasynda keıinnen satyp alý quqyǵymen jalǵa beriletin turǵyn úıdi resimdep beretinin aıtyp sendirgen alaıaq jábirlenýshiniń 3 600 000 teńge aqshasyn qaltaǵa basqany anyqtaldy. Qazir kúdikti óz kinásin moıyndap otyr», dedi ShQO PD bastyǵy Saǵat Madıev.
Er adam Semeı qalalyq polısııa basqarmasynyń ýaqytsha ustaý ızolıatoryna qamaýǵa alynǵan.
Atalǵan fakti boıynsha QR QK 190-baby 3-bóligi boıynsha sotqa deıingi tergeý júrgizilip jatyr.
