2021 jylǵy 8 aqpanda О́zbekstannyń Syrtqy ister mınıstri Abdýlazız Kamılovpen kezdesý barysynda taraptar О́zbekstannyń Túrki Keńesine kirýi Túrki áleminiń birligin nyǵaıtyp, ózara tıimdi seriktestik úshin mańyzdy múmkindikter terezesin ashqan tarıhı oqıǵa ekenin atap ótti. О́zbekstan uıymǵa kirgen sátten bastap qysqa merzim ishinde pandemııanyń teris saldaryna qaramastan, Túrki Keńesi aıtarlyqtaı nátıjelerge qol jetkizdi.
Mınıstr Kamılov Túrki Keńesi dostas elder men strategııalyq seriktesterdi biriktire otyryp, О́zbekstannyń syrtqy saıasatynda erekshe oryn alatyndyǵyn basa aıtty.
Bas hatshy men Mınıstr saıası, saýda-ekonomıkalyq, ınvestısııalyq, mádenı-gýmanıtarlyq, kólik jáne logıstıka, týrızm, jastar jáne sport salalaryndaǵy kópjosparly yntymaqtastyqtyń ózekti máselelerin talqylady.
Aldaǵy mańyzdy is-sharalardyń, sonyń ishinde Memleket basshylarynyń sammıtteriniń, Tashkentte josparlanyp otyrǵan Týrızm mınıstrleriniń altynshy keńesiniń, Jastar jáne sport mınıstrleriniń besinshi keńesiniń, 2021 jyly О́zbekstanda ótetin Jas kásipkerler forýmynyń kún tártibi boıynsha pikir almasty.
Saýda-ekonomıkalyq jáne ınvestısııalyq yntymaqtastyqtyń ınstıtýsıonaldyq negizderine, onyń ishinde Hatshylyqtyń túrli ınvestısııalyq jobalardy iske asyrýǵa járdemdesýge baǵyttalǵan Túrki Keńesiniń birlesken ınvestısııalyq qoryn qurý jónindegi kúsh-jigerine erekshe nazar aýdardy.
B.Ámireev pen A.Kamılov Túrki Keńesine múshe memleketter yntymaqtastyǵynyń bolashaq strategııasyna toqtalyp, túrki halyqtarynyń ekonomıkalyq ál-aýqatyn arttyrýǵa jáne búkil Túrki áleminiń odan ári ıntegrasııalanýyna yqpal etetin is júzinde mańyzdy bastamalar men naqty jobalardy odan ári iske asyrýdyń mańyzdylyǵyn atap ótti.
Kezdesýde ózbek taýarlarynyń syrtqy naryqtarǵa shyǵýy úshin qolaıly jaǵdaı jasaýǵa baǵyttalǵan kólik salasyndaǵy sońǵy qadamdar da talqylandy. Taraptar О́zbekistannyń Túrki áleminiń basqa da yntymaqtastyq uıymdaryna múshe bolý máselesin talqylady. A.Kamılov О́zbek eliniń TÚRKSOI, Halyqaralyq Týrki Akademııasyna jáne Týrki memleketteriniń parlamenttik Assambleıasyna jaqyn arada resmı kiretinin habarlady.
Ámireev myrza uly túrki aqyny jáne oıshyly, kórnekti qoǵam qaıratkeri Álisher Naýaıdiń 580 jyldyǵyn merekeleýge oraı Álisher Naýaı atyndaǵy Túrki Keńesiniń "Túrki áleminiń birligine qosqan úlesi úshin" halyqaralyq syılyǵyn engizý máselesin usyndy.
Bas hatshy men Mınıstr sondaı-aq uıymnyń aǵymdaǵy kún tártibinde turǵan keń aýqymdy máseleler, sondaı-aq ózekti halyqaralyq jáne óńirlik taqyryptar boıynsha pikir almasty.
2021 jylǵy 8 aqpanda Tashkentte Túrki Keńesiniń Bas hatshysy Baǵdad Ámireev О́zbekstan Respýblıkasy Olıı Majlıs Senatynyń Tóraǵasy Tanzıla Narbaevamen kezdesti.
Bas hatshy men Tóraǵa Túrki Keńesi aıasyndaǵy aǵymdaǵy qyzmetti talqylap, uıymǵa múshe memleketter arasyndaǵy túrli salalardaǵy yntymaqtastyqty odan ári damytý týraly pikir almasty.
B.Ámireev О́zbekstannyń Túrki Keńesine kirýi Túrki áleminiń birligin nyǵaıtýdaǵy asa mańyzdy qadam bolǵanyn atap ótti.
Tóraǵa Narbaeva О́zbekstannyń Túrki Keńesine qatysýy О́zbek eliniń jáne túrki elderiniń kópǵasyrlyq ortaq tarıhı tamyry, mádenıeti, ózindik ereksheligi men tilinen týyndaıtyn halyqtardyń túpki múddelerine tolyq jaýap beretinin aıtty.
B.Ámireev О́zbekstanda júrgizilip jatqan memlekettik jáne áleýmettik qurylys, iskerlik orta men ınvestısııalyq ahýaldy jaqsartý, Túrki elderimen dostyq pen tatý kórshilikti nyǵaıtý salasyndaǵy aýqymdy reformalarǵa joǵary baǵa berdi.
Túrki elderi arasyndaǵy parlamentaralyq baılanystardyń nyǵaıýyna silteme jasaı otyryp, Bas hatshy Ámireev О́zbekstan tarapynyń TÚRKPA-ǵa kirý týraly sheshimin tolyq qoldaıtyndyǵyn bildirip, qajetti prosedýralardyń tezirek aıaqtalýyn tiledi.
Taraptar sondaı-aq uıymnyń maqsattaryna qol jetkizýdegi áıelder men jastardyń rólin kúsheıtý joldaryn talqylady.
О́zbekstan Respýblıkasy Premer-Mınıstriniń orynbasary – Investısııalar jáne syrtqy saýda mınıstri Sardor Ýmýrzakov myrzamen beıresmı jumys keshki as kezinde Premer-Mınıstrdiń orynbasary Bas hatshyt B.Ámireevke iltıpat bildirip, ekonomıkanyń túrli sektorlaryndaǵy, atap aıtqanda, saýda, kólik, ınvestısııalar, energetıka jáne týrızmdegi yntymaqtastyqty damytý arqyly Túrki Keńesine múshe memleketter arasyndaǵy qatynastardy nyǵaıtýdaǵy Túrki Keńesiniń rólin joǵary baǵalady.
S.Ýmýrzakov О́zbekstanǵa qoldaý bildirip, Túrki Keńesiniń tıimdiligin arttyrýǵa baǵyttalǵan ýaqtyly bastamalarǵa, sondaı-aq uıymdy ınstıtýsıonaldyq damytý men qurylymdyq reformalaýǵa óz úlesin qosýǵa ázir ekenin jetkizdi.
Bas hatshy uıymǵa kirgen sátten bastap О́zbekstannyń Túrki Keńesiniń qyzmetine belsendi qatysýy uıym aıasyndaǵy jan-jaqty yntymaqtastyqtyń kókjıegin keńeıtip qana qoımaı, Túrkitildes memleketterdiń birlesken áleýetin aıtarlyqtaı keńeıtkenin atap ótti.
Baǵdad Ámireev Sardor Ýmýrzakovty sońǵy is-sharalar men jobalar týraly, sondaı-aq jaqynda qurylǵan Túrki saýda-ónerkásip palatasyn (TSО́P) qosa alǵanda, saýda-ekonomıkalyq jáne ınvestısııalyq yntymaqtastyqtyń ınstıtýsıonaldyq negizderi týraly, Hatshylyqtyń birlesken ınvestısııalyq qordy qurý boıynsha qolǵa alǵan kúsh-jigeri týraly, sondaı-aq shaǵyn jáne orta kásipkerlikti (ShOK) qoldaýǵa jáne túrli ınvestısııalyq jobalardy iske asyrýǵa járdemdesýge baǵyttalǵan Túrki damý bankin qurý týraly habardar etti.
Sondaı-aq, taraptar Túrki Keńesine múshe memleketter men baqylaýshy memleketterdiń tranzıttik áleýetin arttyrýǵa baǵyttalǵan birlesken jobalardy iske asyrýdy eskere otyryp, kólik-logıstıka salasyndaǵy yntymaqtastyqtyń keń múmkindikterin atap ótti.
Basqosýda qajetti taýarlardyń tasymaldaýyn jeńildetý úshin "jasyl dáliz" qurylý qajettigi, sondaı-aq Transkaspıı Halyqaralyq Kólik Dáliziniń (Orta dáliz) Shyǵys-Batys saýda qozǵalysyndaǵy logıstıkalyq shyǵyndardy tómendetýdegi jáne tasymaldaý jyldamdyǵyn arttyrýdy kúsheıtýdiń mańyzdylyǵy basa aıtyldy.
B.Ámireev S.Ýmýrzakovty Eýropalyq qaıta qurý jáne damý banki (EQQDB) Basqarýshylar Keńesi tóraǵasynyń orynbasary laýazymyna saılanýymen, sondaı-aq Islam damý banki tobynyń Basqarýshylar keńesiniń tóraǵasy bolyp saılanýymen quttyqtap,S. О́mirzaqovqa ochy jańa qyzmetterde ýlken tabys tilep,Túrki Keńesimen tyǵyz yntymaqtastyqqa úmit bildirdi.
Túrki Keńesiniń Bas hatshysy Baǵdad Ámireev О́zbekstannyń Mádenıet mınıstri Ozodbek Nazarbekovpen kezdesip sol kúni Tashkenttegi Túrkistan saraıynda Uly túrki aqyny jáne oıshyly, kórnekti memleket qaıratkeri Álisher Naýaıdiń týǵanyna 580 jyl tolýyna oraı О́zbekstannyń mádenıet mınıstrligi uıymdastyrǵan "Naýaıdiń poezııa men áýen túnderine" qatysty.
Is-shara barysynda О́zbekstannyń memlekettik konservatorııasy men "Makom" О́zbek ulttyq óner ortalyǵy úzdik mýzykalyq ansamblderi men ujymdarynyń konserttik qoıylymy uıymdastyryldy.
Bas hatshy Baǵdad Ámireev maqam ónerin, ásirese Buhara "Shashmak", Horezmdik "Alty jarym" maqamy, dýtar maqamy, "Ferǵano-Tashkent" maqamdaryn shyn qýanyshpen tamashalaǵanyn aıtyp olar ǵasyrlar boıǵy ózbek ulttyq maqam óneriniń biregeı "altyn qoryn" quraıtynyn tilge tıek etti.
Bas hatshy Túrki Keńesiniń kórnekti túrki qaıratkerleriniń álemdik órkenıetke qosqan úlesin odan ári pash etýge at salysatynyn aıtty.
