Álem • 14 Aqpan, 2021

Japonııa Pfizer vaksınasyn salýǵa ruqsat berdi

36 ret kórsetildi

Japonııanyń densaýlyq saqtaý mınıstrligi amerıkalyq Pfizer kompanııasynyń koronavırýsqa qarsy vaksınasyn qoldanýǵa kelisim berdi. Bul týraly Kyodo agenttigi jazdy, dep habarlaıdy Egemen.kz

Taıaýda Japonııa vedomstvosynyń sarapshylary Pfizer vaksınasyn qoldanýǵa ruqsat berdi. Sodan keıin eldiń densaýlyq saqtaý mınıstri Norıhısa Tamýra vaksına 16 jastan asqan adamdarǵa arasy úsh aptadan eki doza salynatynyn málimdedi.

Amerıkalyq vaksınanyń alǵashqy partııasy 12 aqpanda tańerteń Tokıonyń Narıta áýejaıyna Brıýsselden jetkizildi. Agenttiktiń habarlaýynsha, Eýropalyq odaqta vaksınalardyń bir partııasy shamamen 400 myń dozadan turady.
 
Endi 17 aqpannan bastap Japonııada 20 myńǵa jýyq medısına qyzmetkerine vaksına salyna bastaıdy. Kyodo aqparaty boıynsha vaksına aldymen janama áseri bolýy múmkin zertteýge qatysýǵa kelisim bergen medısına qyzmetkerlerine ǵana salynady. Vaksınasııa Tokıodaǵy medısınalyq mekemelerdiń birinde bastalyp, keıinirek búkil elge taraýy múmkin.

Sonymen qatar naýryzda búkil memleket boıynsha 3,7 mıllıonǵa jýyq medısına qyzmetkeri vaksına alýy kerek. Sáýirde 65 jastan asqan adamdardy (shamamen 36 mıllıon adam) vaksınasııalaý josparlanyp otyr. Al aýyr syrqaty joq jastardy vaksınasııalaýǵa qatysty úkimette biryńǵaı pikir áli qalyptaspady. 

Sońǵy jańalyqtar

Uqsas jańalyqtar