Aldaǵy ýaqytta bizdiń eldiń aýmaǵynda mashına jasaý salasy boıynsha birlesken kásiporyn qurylmaq. Sondaı-aq О́zbekstanda farmasevtıkalyq ónimder óndirisin ashý da josparda bar. Júzege asyrýdy josparlap otyrǵan taǵy bir mańyzdy joba – gıgıenalyq zattar men medısınalyq preparattardy daıyndaýmen aınalysatyn zaýyt qurylysy.
Qazaqstan men О́zbekstan eki eldiń týrıstik áleýetin arttyrýǵa múmkindik beretin joǵary jyldamdyqty Túrkistan – Shymkent – Tashkent temirjol jolaýshylar qatynasyn júzege asyrý boıynsha jumystar júrgizýde. Budan basqa, О́zbekstan aýmaǵyna shyǵatyn Maqtaaral – Darbaza jańa jelisin salý josparlanyp otyr. Bul joba Saryaǵash ótkeli pýnktiniń júktemesin edáýir azaıtady. Sonymen qatar Túrkistannan Tashkentke deıin sozylatyn jańa joǵary jyldamdyqty magıstraldy iske qosý da josparda bar.
Kezdesý sátinde áýe qatynasy da nazardan tys qalmady. Qazir pandemııaǵa qaramastan elder arasyndaǵy reıster turaqty oryndalyp jatyr. Keleshekte onyń sanyn ulǵaıtý, sondaı-aq О́zbekstannyń Úrgenish, Samarqan, Núkis qalalarynan Qazaqstannyń Túrkistan, Aqtaý jáne Taraz qalalaryna jańa baǵyttar ashý jaıy aıtyldy.
