Qala ákimine jaýapty mamandar «Asar-2», «Dostyq» shaǵynaýdandary men «Qaınar bulaq», «Soltústik saıajaı» turǵyn alaptardyń ınfraqurylymyn damytý boıynsha naqty atqarylǵan ister men aldaǵy josparlardy baıandady.
Mamandardyń aıtýynsha, 11 myń turǵyny bar Asar-2 shaǵyn aýdanyn sapaly elektr qýatymen qamtý maqsatynda júrgizilgen qurylys jumystary tolyǵymen aıaqtalǵan. Alaıda, shaǵyn aýdanda jańadan salynyp jatqan elektr júıeleriniń qosylý kózi bolyp tabylatyn «1-M-1» stansasynyń qurylysy júrýde. Osy jyldyń II toqsanynda qurylysy bitse, shaǵyn aýdan sapaly elektr qýatymen qamtylatyn bolady.
Al «Dostyq» shaǵyn aýdan turǵyndaryn sapaly aýyz sý júıesimen qamtamasyz etý maqsatynda júrgizilgen qurylys jumystary da búginde tolyǵymen aıaqtalǵan. Qazirgi tańda sý eseptegish quraldaryn ornatý jumystary júrgizilýde. Abonentteý jumystary naýryz aıynyń sońynda aıaqtalyp, nátıjesinde, shaǵyn aýdan úzdiksiz sapaly aýyz sýmen qamtylatyn bolady. Atalǵan shaǵyn aýdandaǵy tabıǵı gaz qurylysynyń jumystary osy jyldyń qazan aıynda aıaqtalyp, paıdalanýǵa tapsyrylady.
Budan bólek, sala mamandary Qaı̆narbulaq pen Soltústik saıajaı-2 turǵyn alaptaryndaǵy tabıǵı gaz aýyzsý men elektr júı̆esimen qamtamasyz etý máselesin sheshý joldaryn aıtty.
Qalada ınjenerlik ınfraqurylym ózekti másele ekenin aıtqan qala ákimi jaýapty sala basshylaryna bul baǵyttaǵy jumystardy kún tártibinen túsirmeı qaraýdy tapsyrdy.
Sonymen qatar qala ákimi kommýnaldyq-sharýashylyq, jalpy qurylys salasynda mamandardy syrttan emes, jergilikti kadrlarmen jasaqtaý, jergilikti turǵyndardy osy salaǵa kóptep tartý kerek ekenin aıtty. Sondaı-aq óz mamandarymyzǵa senim artýmen qatar olarǵa jaǵdaı jasaýdyń mańyzdylyǵyna toqtalyp ótti.
