Osy oraıda Mádenıet jáne sport mınıstrligi Prezıdenttiń tapsyrmasy aıasynda «Naýryz meıramyn toılaý tujyrymdamasyn bekitý týraly» úkimet qaýlysynyń jobasyn ázirlep, ony «Ashyq NQA» portalyna jarııalady.
Jobada Naýryz meıramyn toılaýǵa baılanysty is-sharalardy 10-24 naýryz aralyǵynda 10 kún boıyna ótkizý josparlanǵany kórsetilgen.
Tujyrymdamany iske asyrýdyń tetikteri kelesideı bolady:
14 naýryz – «Kórisý kúni»
15 naýryz – «Jaılaý kúni»
16 naýryz – «Shejire kúni»
17 naýryz – «Tarıhqa taǵzym kúni»
18 naýryz – «Igi ister kúni»
19 naýryz – «Shymyrlyq pen sheberlik kúni»
20 naýryz – «Zııatkerlik kúni»
21 naýryz – «Ulttyq taǵamdar kúni»
22 naýryz – «Ulystyń uly kúni»
23 naýryz – «Joralǵy kúni»
Sondaı-aq tujyrymdamada odan kútiletin nátıjeler de basa kórsetilgen:
1) otbasyny jáne qoǵamdy uıystyratyn qundylyqtar nyǵaıady;
2) ekologııalyq mádenıetti qalyptastyrý, aýmaqty abattandyrý boıynsha jumystardy uıymdastyrý deńgeıi artady;
3) qaıyrymdylyq pen mesenattyqtyń mádenıeti qalyptasady. Jappaı sanada olardy nyǵaıtýǵa baǵyttalǵan is-sharalar ótkiziledi;
4) ulttyq biregeılikti nyǵaıtý, qazaq halqynyń ulttyq dástúrlerin kórsetý boıynsha buqaralyq is-sharalar ótkiziledi;
5) Qazaqstan halqynyń birligi men kelisimi kúsheıtiledi, jalpy qazaqstandyq qundylyqtar, evolıýsııalyq damý mádenıeti qalyptasady jáne nyǵaıady.
