Qoǵam • 15 Aqpan, 2021

Qarýly Kúshterde epıdemııalyq jaǵdaı turaqty saqtalýda

31 ret kórsetildi

Qorǵanys vedomstvosynyń basshysy áskerde koronavırýs ınfeksııasynyń taralýyna jol bermeý boıynsha qabyldanyp jatqan sharalar jóninde Qorǵanys mınıstriniń orynbasary general-maıor Muhamedjan Talasov pen Bas áskerı-medısınalyq basqarmasynyń bastyǵy medısına qyzmetiniń polkovnıgi Tımýr Oshaqbaevty tyńdady, dep habarlaıdy Egemen.kz.

Kezdesý barysynda Qorǵanys mınıstri áskerı qyzmetshilerdiń densaýlyǵyn saqtaý jaýyngerlik daıarlyqty qoldaýdyń mańyzdy faktory, al jeke quramnyń naýqastanýynyń aldyn alý jónindegi barlyq sharalardy qabyldaý – birinshi kezektegi mindet ekenin atap ótti.

Bas áskerı-medısınalyq basqarmasynyń bastyǵy medısına qyzmetiniń polkovnıgi Tımýr Oshaqbaev Qarýly Kúshterde uıymdastyrylǵan júıeli is-sharalar jeke quramnyń koronavırýs ınfeksııasyn jappaı juqtyrýdan saqtanýǵa múmkindik bergenin baıandady. Sonymen qatar, aldyn-alý sharalarynyń aýqymy men qarqyndylyǵy kún saıyn artyp, olardyń sapasy jaqsarýda.

Jalpy, Qarýly Kúshterde koronavırýs ınfeksııasyn juqtyrǵandardyń sany eldegi ortasha kórsetkishten áldeqaıda tómen. Bul barlyq jaýyngerlik daıarlyq pen oqý-jattyǵý is-sharalaryn tolyq ótkizýge, jaýyngerlik ázirliktiń jaı-kúıin qajetti deńgeıde ustap turýǵa múmkindik beredi.

Budan bólek, 2020 jyldyń kóktemi men jazyndaǵy tájirıbe boıynsha Qarýly Kúshter elimizdiń densaýlyq saqtaý qajettilikteri úshin áskerı-medısınalyq mekemelerdi stasıonar, mobıldi áskerı-dalalyq gospıtal retinde, sondaı-aq shalǵaı óńirlerde medısınalyq kómek kórsetý úshin 24 dárigerlik-meıirbıkelik brıgadany jumyldyrýǵa daıyn.

Qazirgi ýaqytta ekpe jumystaryna daıyndyq júrip jatyr, ol Qarýly Kúshterde bıyl naýryz aıynda bastalady. Ekpe júrgizýde jeke quramnyń basym sanattary aıqyndalyp, ony alý kezektiligi josparlandy.

Áskerı qyzmetshiler men azamattyq qyzmetkerlerdiń pikirlerin aldyn-ala zerdeleý kórsetkendeı, barlyǵy derlik koronavırýsqa qarsy ekpeniń qajettiligin qoldaıdy.

Qorǵanys mınıstri general-leıtenant Nurlan Ermekbaev jaýyngerlik daıarlyq is-sharalaryn qysqartýǵa, áskerı daıarlyqty tómendetýge jol berilmeıtinin atap ótti. Osyǵan baılanysty ol koronavırýs ınfeksııasynyń taralýyna qarsy aldyn alý sharalaryn jetildirýdi tapsyrdy. Olar túsindirý jumystaryn jáne densaýlyq jaǵdaıynyń kúndelikti monıtorıngin, sondaı-aq jeke quramǵa josparly ekpeni, PTR-testileýdi, al qajet bolǵan jaǵdaıda bilikti medısınalyq kómek kórsetýdi qamtýy tıis.

Aldyn alý sharalaryn uıymdastyrý máseleleri boıynsha Densaýlyq saqtaý mınıstrliginiń Sanıtarlyq-epıdemıologııalyq baqylaý komıtetimen, sondaı-aq jergilikti atqarýshy organdarynyń tıisti bólimshelerimen ózara tyǵyz qarym-qatynasta júrgizý tapsyryldy.

Qarýly Kúshter túrlerindegi, óńirlik qolbasshylyqtardaǵy, ásker tekterindegi, áskerı bólimder men mekemelerdegi epıdemıologııalyq jaǵdaıdyń jaı-kúıine tıisti bas qolbasshylarǵa, qolbasshylarǵa, komandırler men bastyqtarǵa jeke jaýapkershilik júkteldi.

Sońǵy jańalyqtar

Qazaqstanda et qymbattady

Qoǵam • Búgin, 15:10

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar