Koronavırýs • 15 Aqpan, 2021

Qyzylorda oblysynda bir aptada 70 adamnan koronavırýs anyqtalǵan

36 ret kórsetildi

Qyzylorda oblysynda sońǵy bir aptada 70 adam koronavırýs ınfeksııasyn juqtyrdy. Olardyń 64-i qala turǵyny.

Qazir Qyzylorda oblysy epıdemıologııalyq ahýaldy baǵalaý matrısasy boıynsha «jasyl» aımaqta tur. Degenmen sońǵy kórsetkishter oılandyrady. Búginge deıin óńirde koronavırýs ınfeksııasyn juqtyrýdyń barlyǵy 3727 deregi tirkeldi. Al ótken táýlikte indettiń qursaýyna 13 adam ilikti.

Olardyń barlyǵy Qyzylorda qalasynda turady. Tórteýinde dene qyzýynyń kóterilýi, entigý, qurǵaq jótel, keýde tusynyń aýyrsynýy sekildi klınıkalyq belgiler anyqtalǵan. Qalǵan toǵyz naýqasta aýrý sımptomsyz ótken.

«1 naýqastan PTR-taldaý somatıkalyq aýrýy boıynsha stasıonarǵa jatý aldynda profılaktıkalyq maqsatta alynǵan. Al 9 pasıent koronavırýs juqtyrǵan adamdarmen qarym-qatynasta bolýy sebepti tekserilgen. Sondaı-aq 3 adam aýrý sımtomynyń bolýyna baılanysty medısınalyq kómekke ózdiginen júgingen. Taldaý nátıjeleri koronavırýs ınfeksııasyna oń nátıje kórsetti. Naýqastarmen qarym-qatynasta bolǵan 49 adam medısınalyq baqylaýǵa alyndy. Profılaktıkalyq jáne epıdemııaǵa qarsy sharalar júrgizilýde», dep málim etti Qyzylorda oblysy Sanıtarııalyq-epıdemıologııalyq baqylaý departamentiniń baspasóz qyzmetinen.

Vedomstvo aqparatyna sáıkes, jyl basynan beri tirkelgen jaǵdaılardyń basym bóligi qarym-qatynas arqyly juqqan. Onyń ishinde úı oshaǵynda jaqyn qarym-qatynastaǵylar arasynda jıi anyqtalýda. Sondaı-aq, budan buryn bıyl Qyzylorda oblysynda koronavırýs juqtyrǵan azamattardyń deni oblys ortalyǵynda turatyny habarlandy.



Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar