Bul týraly Úkimet otyrysynda qańtar aıyndaǵy eldiń áleýmettik-ekonomıkalyq damýy taqyrybyn talqylaý kezinde QR Indýstrııa jáne ınfraqurylymdyq damý mınıstri Beıbit Atamqulov málim etti.
«Qurylys salasynda naqty kólem ındeksi 2021 jyldyń qańtar aıynda 107 paıyz boldy. Barlyq óńirde oń dınamıka baıqalady. Turǵyn úı qurylysynda bıyldyń birinshi aıynda 801 myń sharshy metr baspana paıdalanýǵa berildi. Iаǵnı, 2020 jyldyń sáıkes kezeńimen salystyrǵanda 109,4 paıyz boldy», dedi mınıstr.
Onyń aıtýynsha, elimiz boıynsha barlyǵy 6 810 baspana paıdalanýǵa berildi. Bul kórsetkish 16 óńirde artty.
«О́tken jylmen salystyrǵanda turǵyn úıdi paıdalanýǵa berý kólemi 16 óńirde artty. Tek Mańǵystaý oblysynda tıisti kórsetkish 67,6 paıyzdy qurady. Jalpy bıyl elimizde 17 mln sharshy metr turǵyn úı salynady. Memleket basshysynyń tapsyrmasyna sáıkes turǵyn úı qurylysy kezinde jergilikti qamtý úlesin arttyrýǵa tıispiz. Bul bıznes úshin qurylys materıaldarynyń otandyq naryǵyn damytýǵa qosymsha múmkindik beredi», dedi B.Atamqulov.
«Saladaǵy qajettilikti aıqyndaý maqsatynda negizgi 24 pozısııa boıynsha qurylys materıaldary naryǵyna taldaý júrgizildi. Búgingi tańda otandyq óndirýshiler 10 taýar pozısııasy boıynsha ishki naryqtyń qajettiligin tolyǵymen óteı alady (temir-beton buıymdary, qurǵaq qospa, qabyrǵa bloktary, kirpish jáne t. b.). 11 pozısııa boıynsha elimizdiń kásiporyndary shamamen 50 paıyzdy qamtamasyz etedi (jylý oqshaýlaý, profıl qańyltyr, plastık qubyrlar jáne t. b.). Al lınoleým, túsqaǵaz, sanfaıans sııaqty 3 pozısııa boıynsha ishki naryqta ázirge óndiris joq», dedi vedomstvo basshysy.
