Árqaısysynyń ózine saı qylyǵy men qıyndyǵy bar jyldyń tórt mezgilinde dala tósinde eńbek kórigin qyzdyratyn munaıshylardyń eren eńbegi, jalpy osy salanyń tynys-tirshiligi men tolaǵaı tabysy elimizdegi túrli buqaralyq aqparat quraldarynyń betinen túsip kórgen joq. Desek te, kóbine munaı-gaz kompanııasynyń qyzmetine qatysty jarııalanymdarda munaı men gaz óndirýdiń kólemi, saqtaýly qorlar, ónerkásiptiń qurylymy jáne kiristeri jaıly aıtylady. Alaıda, «medaldiń eki jaǵy bar» degendeı, kompanııanyń óz qyzmetkerleri úshin jasap jatqan jumystary, áleýmettik jaýapkershiligi týraly sırek jazylatyny jasyryn emes.
Árqaısysynyń ózine saı qylyǵy men qıyndyǵy bar jyldyń tórt mezgilinde dala tósinde eńbek kórigin qyzdyratyn munaıshylardyń eren eńbegi, jalpy osy salanyń tynys-tirshiligi men tolaǵaı tabysy elimizdegi túrli buqaralyq aqparat quraldarynyń betinen túsip kórgen joq. Desek te, kóbine munaı-gaz kompanııasynyń qyzmetine qatysty jarııalanymdarda munaı men gaz óndirýdiń kólemi, saqtaýly qorlar, ónerkásiptiń qurylymy jáne kiristeri jaıly aıtylady. Alaıda, «medaldiń eki jaǵy bar» degendeı, kompanııanyń óz qyzmetkerleri úshin jasap jatqan jumystary, áleýmettik jaýapkershiligi týraly sırek jazylatyny jasyryn emes.
Qaı salada, qaı mekemede bolsyn, óz qaramaǵyndaǵy qyzmetkerlerdiń jaǵdaıyn jasaý, turmys-tirshiligin bilip, qoldan kelgenshe qajettiliktermen qamtamasyz etý jaǵy qarastyrylady. Bul eńbektiń ónimdiligin arttyrý, ishki bereke-birlikti uıyta túsý úshin ǵana emes, jumys berýshi men jumysshy arasyndaǵy ózara syılastyqtyń, túsinistiktiń jáne órkenıet álemine umtylǵan joǵary adamgershilik qaǵıdattyń buljymas órnegi bolýy tıis. Joǵaryda toqtalǵanymyzdaı, qaqaǵan aıaz ben aptap ystyqta qurysh bileginiń kúshin el yrysyna jumsap, jigerlene eńbek etip júrgen munaıshylardyń jaǵdaıyn jan-jaqty jaqsartýdy «QazMunaıGaz» Barlaý О́ndirý» AQ ekinshi kezekke ysyrmaı, udaıy nazarda ustap keledi. Kompanııada bul mindetti onyń enshiles kásiporny «KMG EP-Catering» JShS atqarady. Atalmysh seriktestik munaıshylardy jumys kúnderi, vahta kezinde tamaqpen qamtamasyz etip, eńbekten tys ýaqytta da olar úshin qajetti jaǵdaılardy jasaýmen aınalysady. Seriktestiktiń Jańaózen, Atyraý qalalarynda bólimsheleri bar. QMG BО́ ken oryndary bólimshelerindegi qyzmetkerlerdi tamaqpen qamtamasyz etý basty mindeti bolyp tabylatyn kompanııa tek Atyraý, Mańǵystaý oblystaryndaǵy túski as ázirleıtin, turaqty ashanalarǵa ǵana qyzmet kórsetpeıdi.
Tamaqtandyrý – óte joǵary jaýapkershilikti júktep, tazalyqty talap etetin jumys. Kompanııa quzyrynda azyq-túlikti satyp alýdan bastap, as daıyn bolǵanǵa deıingi aralyq turaqty jáne muqııat baqylaýǵa alynǵan.
– Men orasan zor adam sanyna jaýap beretinimdi bir sát esimnen shyǵarǵan emespin. Biz munaıshylardy qalaı tamaqtandyrsaq, olardyń kóńil-kúıleri de, jumystarynyń sapasy da, tipti densaýlyǵy da soǵan baılanysty bolmaq. Baıqaýsyzda ketip qalǵan tıtteı qatelik te úlken máselelerge ákelip soqtyrýy múmkin. Sondyqtan, biz kúndelikti jumysymyzǵa zor jaýapkershilikpen qaraımyz jáne qyzmetkerlerden únemi tazalyqty, saqtyqty, jaýaptylyq pen kásibı sheberlikti talap etip otyramyz, – deıdi «KMG EP-Catering» JShS bas dırektory Bekqoja Boranbaev.
As máziri aýyr jumystaǵy adamdardyń aǵzasyna qýat beretin dárýmenderge baı, qunarly taǵam túrlerimen turaqty tolyqtyrylyp otyrylady, sondaı-aq, taǵamdar tájirıbeli kásibı aspazdar qolymen óte dámdi etip ázirlenedi. Ashanalar men as úıler túrli taǵam daıyndaý tehnologııasyna qajetti qural-jabdyqtarmen jaraqtandyrylǵan, «tazalyq – densaýlyq kepili» degendeı ári jumysshylar úshin jaıly, taza.
Dala tabıǵaty men minezi adam qalaýyna baǵynbaıdy. «Qara altynnyń» kómbeleri munaıly ólkelerdiń syryn búkken sary dalasynyń ár qıyryna shashyraı ornalasqan, ıaǵnı ken oryndarynyń ornalasý geografııasy árkelki. Tipti, olardyń bir-birinen araqashyqtyqtary júzdegen shaqyrymǵa deıin sozylatyndary da bar. Mundaı shalǵaıdaǵy uńǵymalarda jóndeý jumystarymen aınalysatyn brıgadalar úshin taǵamdar arnaıy termostarmen jetkiziledi jáne osy maqsatta kompanııada aspaz-ekspedıtorlar jumys isteıdi.
Tamaqtandyrý máselesimen birge, «KMG EP-Catering» JShS ken oryndarynda turmystyq-sharýashylyq keshenderine servıstik qyzmet kórsetý jumystaryn da óz moınyna alǵan. Arnaıy turǵyzylǵan modýldik ǵımarattarda árbir jóndeýshi nemese tehnıka júrgizýshileriniń brıgadasy úshin jabdyqtalǵan kıim aýystyratyn bólmesi, dýsh bólmesi, kir jýatyn orny, kıim keptirgishi jáne demalatyn bólmesi bar.
«KMG EP-Catering» JShS munaıshylarǵa jaǵdaı jasaýdyń kóp salaly bolýyna mán berip, kórsetiletin qyzmet aıasyn jyldan-jylǵa ulǵaıtyp keledi. Solardyń biri – «Kendirli» demalys aımaǵyndaǵy «Aqbóbek» balalardy saýyqtyrý ortalyǵynda munaıshylar men olardyń balalary úshin demalys uıymdastyrý. Barsha qazaqstandyqtar úshin aty málim Kendirli aımaǵy Jańaózen qalasynan 70 shaqyrym jerde, Kaspıı teńiziniń jaǵalaýynda ornalasqan demalys orny. Kók teńiz jaǵasynda altyn qumy kúnge shaǵylysyp, demalýǵa menmundalaı shaqyryp turatyn Kendirli demalys orny kópshilikke keńinen tanymal shetelderdegi jaǵajaılardan kem túspeıdi. Týrıstik klasterdi damytyp, bolashaq damýdyń negizgi tetikteriniń biri týrızm salasy retinde qarastyratyn táýelsiz Qazaqstannyń alystan týrıst shaqyryp, kelgenge maqtana kórsetip, marqaıa demalýyna uıalmaı usynatyn negizgi núkteleriniń biri osy – Kendirli. Maqtaýly Kendirliniń munaıshylar úshin esigi qashan-da ashyq. Demalys orny ózindegi balalar lageri, jabyq jáne ashyq júzý basseınderi, otbasylyq jáne jastarǵa arnalǵan kottedjderi, jazǵy dámhanalary, meıramhanalary, oıyn-saýyq ortalyqtary syndy ınfraqurylymy jaǵynan sheteldik eń ozyq demalys oryndarymen talasa alady. «Kendirli» demalys aımaǵyna munaıshylar óz otbasylarymen birge demalýǵa jyldyń kez kelgen ýaqytynda zor yqylaspen keledi. Al seriktestik olardy jyly qarsy alyp, kóńildi jáne mazmundy demalýy úshin laıyqty qyzmet kórsetýge tyrysady. Osylaısha, aýqymdy isterdi qolyna alǵan «KMG EP-Catering» JShS Jańaózende jýyrda ǵana vahtashy-munaıshylarǵa arnap ashylǵan «Sherqala» zamanaýı qonaq úıi men deneshynyqtyrý-saýyqtyrý keshenine de qyzmet kórsetedi. Sonymen qatar, kompanııanyń Atyraý, Astana qalalarynda túrli nysandary men keńseleri bar. Áńgime, nysandar men keńselerdiń sanynda emes, halyqqa, munaıshylarǵa sapaly qyzmet kórsetýde, aýyr qyzmette qoltyǵynan demeýde, el nesibesiniń artýyna óz úlesin qosýda jatyr. Árkez osy bıikten kórinýdi mindet sanaıtyn «KMG EP-Catering» JShS qyzmet kórsetýdiń aıasyn ǵana emes, sapasyn da zaman talabyna saı jetildirý ústinde. О́ıtkeni, qyzmet kórsetý úlgisi men sapasy zaman yrǵaǵymen birge kún sanap jetile túsken zamanda óz biliktilikterin damytýdyń asa mańyzdy ekendigi belgili.
«KMG EP-Catering» JShS qazir qyzmet qyrlaryn damyta túsý úshin sony izdenis ústinde.
Gúlaıym ShYNTEMIRQYZY,
«Egemen Qazaqstan».
