Álem • 16 Aqpan, 2021

Vaksına saldyrǵan er adam 8 mınýttan soń kóz jumdy

3718 ret kórsetildi

Grekııada 27 jeltoqsannan vaksınasııa jumystary bastalǵan edi. Turǵyndarǵa kún saıyn 20 myńnan asa ekpe salynady. Osy, koronavırýsqa qarsy vaksınadan soń 85 jastaǵy er adam COVID-19 vaksınasııasynan keıin segiz mınýt ótken soń qaıtys boldy. Oqıǵa Krıttegi Iraklıon ýnıversıtetiniń aýrýhanasynda oryn alǵan, dep jazady Egemen.kz.

Egde jastaǵy adam vaksınasııadan keıin qabyldaý bólmesinde otyrǵan jáne aıaq astynan qulaǵan. Dárigerler birden kómekteskenimen, ol jansaqtaý bólimine jetpeı qaıtys bolǵan.

Onyń qaıtys bolý sebebin anyqtaǵandar "ol vaksınasııadan jáne allergııalyq anafılaktıkalyq shoktyń saldarynan kóz jumǵan joq" degen birinshi tujyrym shyǵardy. Dárigerler ǵylymı turǵydan alǵanda kez kelgen vaksınasııadan keıin ólim baıqalmaıtynyn atap, bul vaksınasııamen tuspa-tus kelgen kenetten ólim dep sanaıdy.

Degenmen ólimniń naqty sebebin anyqtaý úshin dárigerler jedel sot-medısınalyq saraptamasyn talap etti.

 

Sońǵy jańalyqtar

Petropavlda jas jigitti KamAZ qaǵyp ketti

Aımaqtar • 27 Mamyr, 2022

Uqsas jańalyqtar