2020 jyly Almaty ákimdigi shaǵyn jáne orta bıznesti qoldaý jáne olardy qalpyna keltirý boıynsha daǵdarysqa qarsy birqatar keshendi sharalardy júzege asyrǵan. Qala bıligi jurtshylyqpen kezdesýde qabyldanyp jatqan sharalardyń tıimdiligin atap ótti.
Salyqtyq yntalandyrý, nesıelendirýdi keńeıtý, ınfraqurylymdy damytý, óndiristi qoldaý jáne jumyspen qamtýdy saqtaý boıynsha qabyldanǵan sharalardyń nátıjesi jumys istep turǵan ShOB sýbektileri sanynyń 3,6% - ǵa ósýin qamtamasyz etken. Shaǵyn jáne orta bıznesti nesıelendirý kólemi 2020 jyly 1,7 ese ósip, 1,4 trln teńgeden asty.
О́nerkásip salasynda 1,4 myń jumys ornyn qurýmen 39,7 mlrd teńgege 11 joba iske asyryldy, onyń ishinde ındýstrııalyq aımaqta – 848 jumys ornyn qurýmen 29,9 mlrd teńgege 4 joba júzege asyryldy. Farmasevtıkalyq preparattardy, medısınalyq buıymdar men tehnıkany óndirý boıynsha medısınalyq klaster quryldy.
«Almaty Bıznes-2025» óńirlik baǵdarlamasy aıasynda 3 shaǵyn ónerkásip parki ashyldy, onda kásipkerlerge jeńildikti tarıfter boıynsha óndiristik alańdar beriledi. «Qoldaý» kásipkerlik ortalyǵy bızneske 91 myńnan astam keńes jáne basqa da servıstik qoldaý kórsetti.
