«Sot alqasyn qalyptastyrý jáne qysqartý máselesi negizinen oblystyq sottar deńgeıine qatysty ǵoı. Bul óz aldyna úlken másele. Ne bolyp jatyr? О́zińiz aıtqandaı, ádette joǵarǵy keńestiń plenarlyq otyrysynyń sheshimimen, Joǵarǵy sot tóraǵasynyń usynýymen oryndalady eken. Bizdiń oıymyzsha bul durys emes. Bul eń negizgi qaǵıdatty buzady. Al eń negizgizgi qaǵıdat – sýdıalardyń táýelsizdik qaǵıdaty. Bul jaǵdaıda oblystyq deńgeıdegi sottyń tóraǵasyna da, sýdıalaryna da qysym kórsetýdiń belgili bir quraly paıda bolady. Joǵarǵy sot tóraǵasy usynǵan sheshim boıynsha sot alqasyn qurýǵa da, qysqartýǵa da bolady dep otyrsyz. Budan keıin qandaı táýelsizdik týraly aıtýǵa bolady? Sondyqtan men profıldik komıtet depýtattaryna atalmysh normany pysyqtaý týraly negizdelgen másele kóterýdi tapsyramyn. Qanat Sergeıuly, ekinshi oqylymǵa deıin osynyń bárin eskere otyryp, osy normalardy pysyqtap shyǵý kerek», dedi Nurlan Nyǵmatýlın.
