Eńbek jáne halyqty áleýmettik qorǵaý mınıstrliginiń resmı derekteri boıynsha, 2021 jyldyń qańtar aıyna Qazaqstanda eńbekke qabiletti halyqtyń ishinde 419 880-i múgedek jan bar. Olardyń tek 19%-y (82 872) jumysqa ornalasqan jáne turaqty tabysy bar.
«Erekshe Tańdaý-Shelek» korporatıvtik qorynyń mamandary bul paıyzdyq araqatynasty erekshe qajettilikteri bar adamdar úshin bilim berý jobalaryn júzege asyrý jáne jańa kadrlardy daıyndaý arqyly ulǵaıtýǵa bolady dep esepteıdi.
«Bizdiń bul baǵytpen jumys istep jatqanymyzǵa birinshi jyl emes jáne múgedektigi bar adamdar arasynda oqýǵa jáne jumys isteýge nıet bildirýshilerdiń úlken legin kórip otyrmyz. Sebebi olar da derbes, qoǵamnyń tolyqqandy bóligi», deıdi «Erekshe Tańdaý-Shelek» KQ baǵdarlamalyq dırektory Zahıra Begalıeva.
О́tken jyly bas seriktes – «Samruk-Kazyna Trust» Áleýmettik jobalardy damytý qorynyń qoldaýymen «Erekshe Tandaý-Shelek»KQ «Lider Z» kásibı onlaın-mektebi» jobasy iske qosyldy. Ol múgedek adamdardy IT daǵdylaryna úıretý jáne olarǵa odan ári eńbek naryǵyn baǵyndyrýǵa járdemdesý arqyly olardy qoldaýǵa baǵyttalǵan. Jaqynda mektep óziniń alǵashqy túlekterin shyǵardy.
Anastasııa «Lider Z» onlaın mektebine kelip, ózine taǵy bir synnan ótýge múmkindik berdi. Dál osy qadam onyń kásipqoı maman retinde qalyptasýyna túrtki boldy.
«2020 jyl meniń ómirimdi túbegeıli ózgertti. «Lider Z» onlaın mektebine SMM kýrstaryna stýdentterdi qabyldaýǵa siltemeni kórip, oılanbastan ótinim berdim jáne ótpeı qalamyn-aý degen oıdan alshaq bolýǵa tyrystym. Qazir men oqýdy sátti aıaqtap qana qoımaı, osy baǵytta jeńimpaz atanǵanymdy maqtan tutamyn.
Qazirgi ýaqytta men SMM boıynsha sertıfıkattalǵan mamanmyn, qyzmet kórsetemin jáne tolyq qarjylyq táýelsizdikke umtylamyn, biraq meniń basty maqtanyshym – men Aqtaý qalasyndaǵy NIS freelancer Nazarbaev Zııatkerlik mektebi oqýshylarynyń mektep klýbynda mentor boldym. Men «Lider Z» jobasynda alǵan barlyq daǵdylarymdy kórsete alatynyma senimdimin», dedi Gerbeeva Anastasııa.
