QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń málimetinshe, kún saıyn «Atyraý-RF Astrahan» memlekettik shekarasyndaǵy «Qurmanǵazy» avtoótkeli arqyly azamattardyń kelýine monıtorıng júrgizilip otyr. Máselen, 15 aqpanda oblys aýmaǵyna memlekettik shekara arqyly 180 adam, onyń ishinde 7 jolaýshy men halyqaralyq júk tasymaldaryn júzege asyratyn 173 júrgizýshi ótken. Onyń ishinde 3 adamda COVID-19-ǵa anyqtama bolmaǵan. Olar karantındik stasıonarǵa ornalastyryldy.
«Shekteý sharalary engizilgen beri Atyraý oblysyna 23 082 adam, onyń ishinde 3 366 jaıaý jolaýshy, 19 716 júrgizýshi keldi. PTR-anyqtamasyz kelgen 269 shetel azamatyna el aýmaǵyna ótýine tyıym salyndy. Onymen qosa, anyqtamasyz kelgen Qazaqstannyń 2 494 azamatyna COVID-19-ǵa PTR-testileý júrgizilip, taldaý nátıjesinde koronavırýstyń shetten ákelingen 9 jaǵdaıy (6 júrgizýshi, 3 jolaýshy) anyqtaldy» delingen komıssııanyń aqparatynda.
