Elordada 23 aqpan kúni saǵat 17:00-de Memlekettik akademııalyq fılarmonııanyń resmı paraqshalarynda Instagram (astana_filarmoniya), Facebook (astana.filarmoniya) jáne YouTube (Nur-Sultan qalasy fılarmonııasy) úrmeli aspaptar orkestriniń «О́ner tynysy» onlaın-konserti ótedi. Kúndiz osy ýaqytta halyq áni bóliminiń ártisteri kompozıtor, ánshi Manarbek Erjanovtyń 120 jyldyǵyna arnalǵan «Saıra, bulbul» konsertin tikeleı efırde usynady. 26 aqpan kúni saǵat 17:00-de joǵaryda atalǵan akkaýnttarda Jambyl Jabaevtyń 175 jyldyǵyna arnalǵan «Qorqyt» etno-ansambliniń «Jyry álemdi sharlaǵan» onlaın-konsertin kórýge bolady.
Elordalyq teatrlar da súıikti qoıylymdaryn qoıyp, jurtshylyqty qýantpaq.
22 jáne 25 aqpanda saǵat 12:00-de «Naz» memlekettik bı teatrynyń ártisteri bı qımyldary boıynsha master-klass ótkizedi.
27 aqpanda «Jastar teatry» jas kórermenderine S.Marshaktyń «12 aı» ertegisin usynbaq. Qoıylym 12:00-de jáne 14:00-de kórsetiledi.
M.Gorkıı atyndaǵy Memlekettik akademııalyq orys drama teatry 26 aqpan kúni saǵat 11:00-de kórermenderine M.Bartenevtiń «Snegýrýshka» ertegisiniń premeralyq spektaklin usynady. Sol kúni saǵat 19:00-de A.Kasonnyń «Jabaıy. Úshinshi sóz» melodramasyn kórýge bolady.
Atalmysh teatrdyń YouTube arnasynda 27 aqpan kúni saǵat 11:00-de «Alladınniń sıqyrly shamy» ertegisin, saǵat 12:00-de Instagram-daǵy paraqshasynda (Gorkytheatre) Jambyl Jabaevtyń týǵanyna 175 jyl tolýyna oraı qalanyń ortalyq kitaphana júıesimen birlesken is-shara kórsetedi. Sol kúni saǵat 19:00-de teatrdyń kishi zalynda «Aralas sezim» melodramasy ótedi. 28 aqpanda saǵat 18:00-de ártister YouTube arqyly tikeleı efırde «Sońǵy qatysýshy» dramasyn kórsetedi.
Elordalyq qýyrshaq teatry 26 jáne 27 aqpanda kórermenderdi «Mıaý, Gav ı Chık-chırık» mıýzıkline shaqyrady.
«NOMAD City Hall» 27 jáne 28 aqpan kúnderi «Aýyl hıkaıalary» qoıylymynyń tusaýkeserin usynady.
Beıbitshilik jáne kelisim saraıynda ornalasqan «Qulanshy» zamanaýı óner ortalyǵynda 22-26 aqpan aralyǵynda qazaqstandyq beıneleý óneriniń «Máńgilik týraly» kórmesin, sondaı-aq «Mıllenıaldar óneri» ekspozısııasyn tamashalaýǵa bolady. 22-28 aqpan aralyǵynda atalmysh ortalyq qala turǵyndary men qonaqtaryn Nur-Sultan qalasynyń jas fotograftarynyń jumysy usynylatyn «Novyı vzglıad» kórkemsýret kórmesine shaqyrady.
Sonymen qatar, Beıbitshilik jáne kelisim saraıynda «Týǵan jer» balalar men jasóspirimder stýdııasy jumys isteıdi. Munda apta boıy horeografııa, hor, akterlik sheberlik, solfedjıo, teatr stýdııasy boıynsha sabaqtar ótkiziledi.
Táýelsizdik saraıynda 23-28 aqpan aralyǵynda qala turǵyndary men qonaqtary «Elorda beınesi», «Nur-Sultan qalasyna syılyqtar», «Uly Dala Juregi» sııaqty kórmelerdi tamashalaı alady.
Budan basqa, jumys kúnderi Sáken Seıfýllın mýzeıiniń áleýmettik jelilerinde S.Seıfýllınniń ómiri men ólimine arnalǵan onlaın-kórmeler, beıneekskýrsııalar ótkiziletin bolady.
«Atameken «Qazaqstan kartasy» etno-memorıaldyq kesheni 22-28 aqpan aralyǵynda Instagram (@atamekenmap), Facebook (@atamekenmap.kz) paraqshalarynda Qazaqstan óńirleriniń kórikti jerleri týraly tanymdyq aqparattyq posttar ornalastyratyn bolady.
Qala kitaphanalaryna kelýshiler belgili jazýshylar men aqyndardyń shyǵarmashylyǵyna arnalǵan túrli taqyryptaǵy kórmelerdi tamashalaı alady.
Aıta ketý kerek, barlyq is-shara sanıtarlyq normalar men karantındik talaptardy saqtaı otyryp ótkiziledi.
