Reıtıng agenttigi munaı baǵasyna jáne koronavırýs indetiniń taralýyna baılanysty aıqynsyzdyqqa qaramastan, elde memlekettik qaryzdyń tómen deńgeıi men qoldanystaǵy jáne yqtımal syrtqy kúızelisterdi azaıtý úshin qajetti fıskaldyq rezervterdiń edáýir kólemi saqtalyp otyrǵanyn atap ótti.
Kredıttik baǵalaý turaqtylyǵynyń oń faktory memlekettik ınstıtýttardyń sapasynyń jaqsartylýy bolyp otyr. Fitch reıtıng agenttigi 2020 jyly ulttyq ekonomıkanyń turaqtylyǵyn qamtamasyz etýdegi naqty sektordyń, onyń ishinde óńdeý ónerkásibiniń, qurylys pen aýyl sharýashylyǵynyń rólin atap ótti.
Agenttiktiń baǵalaýy boıynsha, 2021 jyly ekonomıkanyń ósý qarqyny 3,5% quraıdy. «Fitch Ratings» atap ótkendeı, Ulttyq banktiń qubylmaly aıyrbas baǵamy saıasaty kúızelisterdi sińirýge múmkindik berdi, al teńge baǵamynyń ıkemdiligi 2014-2015 jyldary munaı baǵasy quldyraǵannan beri ekonomıkalyq saıasat tetiginde eleýli jaqsartýǵa aınaldy.
«Fitch Ratings» agenttigi Qazaqstannyń egemen kredıttik reıtıngin odan ári arttyrýdaǵy negizgi faktorlar retinde ekonomıkalyq saıasattyń boljamdylyǵy men tıimdiligin ulǵaıtýǵa, sondaı-aq el ekonomıkasyn ártaraptandyrý jáne fıskaldyq rezervterin ósirý jónindegi sharalardy iske asyrýdy jalǵastyrýǵa baǵyttalǵan qurylymdyq ınstıtýsıonaldyq reformalardyń odan ári júrgizilýin keltiredi.
Buǵan deıin, 17.02.2021 j. Qazaqstan ekonomıkasyna qatysty kredıttik pikirdi Moody’s kredıttik agenttigi jarııalaǵan bolatyn.
Jańartylǵan kredıttik pikirge sáıkes, Qazaqstannyń reıtıngi Baa3 «Oń» boljamdy pandemııaǵa deıingi kórsetkishterine saı keledi.
