Vashıngtondaǵy turaqty damýdy zertteý ortalyǵynyń dırektory Emre Tıftık pen ekonomıst Hadıdja Mahmýd Bloomberg tilshisimen kezdesý kezinde álemdik qaryz óse beretinin, buǵan memleketter, kompanııalar emes, jekelegen otbasylar da úles qosyp otyrǵanyn aıtypty.
Halyqaralyq qarjy ınstıtýtynyń (IIF) málimetteri boıynsha, bıýdjettiń úlken tapshylyǵy bar elderdiń úkimetteri 2021 jyly qaryzdy taǵy 10 trıllıon dollarǵa arttyrýǵa nıetti. Saıası jáne áleýmettik qysymdar áleýmettiń áleýetin tómendetip, sonyń saldarynan qaryzdyń aýyrtpalyǵy da ósip barady.
Ekonomıkanyń qalpyna kelýi keıbir úkimetterdi yntalandyrýdy qysqartý strategııasyn jasaýǵa májbúr etýi múmkin. Bul ssenarııdi tym tez iske qosý defolt qaýpin arttyrady. Biraq sarapshylar munyń táýekeliniń joǵary ekenin eskertedi. Sebebi munyń sońy taǵy da qaryzǵa belshesinen batýǵa alyp kelýi múmkin. Sol sebepti aldaǵy ýaqytta barlyq elder teńgermeli saıasatqa baǵyt bergeni jón.
О́tken jyly qarjylyq emes sektordaǵy qaryzdyń JIО́-ge qatynasy boıynsha eń úlken ósim – Qytaıda oryn aldy, sodan keıin Túrkııa, Koreıa jáne Birikken Arab Ámirlikteri, dep habarlaıdy IIF derekteri.
Esterińizge sala keteıik, 2020 jyldyń birinshi toqsanynda jahandyq ulttyq qaryz 258 trıllıon dollardy, ekinshisinde 268,8 trıllıon dollardy, úshinshisinde 276,5 trıllıon dollardy qurady.
Emre Tıftık 2021 jyly tamyzda COVID-19 taralýyn toqtatý múmkin bolmasa, onda jahandyq qaryz 275 trıllıon dollardan asady dep málimdedi.
