«Ár baǵyt boıynsha nysanaly ındıkatorlar men merzimder, jaýapty oryndaýshylar belgilendi. «Jol kartasy» qalany, aýdandar men aýyldardy qamtıdy» dedi Mahambet Dosmuhambetov.
«Jol kartasynda» aımaq turǵyndarynyń tabysyn arttyrý kózdelipti. Osy maqsatta aldaǵy bes jylda 10 ınvestısııalyq joba iske asyrylady.
«Aýyl sharýashylyǵy salasynda eki joba bar. Qyzylqoǵa aýdanynda jalpy quny 265 mln teńgeni quraıtyn táýligine 2 tonna sút jáne sút ónimderin óńdeý sehyn salý, Qurmanǵazy aýdanynan 200 mln teńgelik zamanaýı tehnologııalarmen jabdyqtalǵan balyq óńdeý sehyn salý josparlanyp otyr» deıdi «Nur Otan» partııasy óńirlik fılıaly tóraǵasynyń birinshi orynbasary Nurlybek Ojaev.
