Elorda • 22 Aqpan, 2021

Bıyl elordada jańa amfıteatr ashylady

3 ret kórsetildi

Nur-Sultan qalasy Ýrbanıstıka ortalyǵynyń basshysy Elnar Bazyken Instagram paraqshasynda el astanasynda jańa amfıteatr ashylatynyn málim etti, dep habarlaıdy Egemen.kz qala ákimdiginiń resmı saıtyna silteme jasap.

«Bıyl qala turǵyndarynyń ótinishi boıynsha Prezıdenttik saıabaqta jańa amfıteatr paıda bolady. Amfıteatr bı qoıylymdaryn, spektaklderdi, konsertterdi jáne ashyq aspan astynda túrli qalalyq is-sharalardy ótkizýge arnalǵan alań bolady», - dep jazdy ortalyq basshysy.

Ol óz sózinde kaskadty qadamdar júıesin qoldanystaǵy relefke biriktirýdi jáne aǵyn tikeleı sahnaǵa ótetin shatyr qurylymymen jabý josparlanyp otyrǵanyn málim etti.

«Sahna alańy kóshe bılerin ótkizýge arnalatyn bolady. Bizde bı stýdııalarymen jáne Chırlıdıng federasııasymen kelisim bar, olar bı úıirmeleri men jarystarǵa arnalǵan alańdy paıdalana alady. Bul joba turǵyndarymyzdyń sezimin, ishki tolǵanysyn bildire alatyn, sol sııaqty ózara áleýmettik qarym-qatynasyn nyǵaıta alatyn orynǵa aınalady dep senemiz», - deıdi Elnar Bazyken.

Aıta keteıik, Nur-Sultan qalasynyń ákimi Altaı Kólginov bıyl elordada jurt qyzyǵarlyq jańa oryndar ashylatynyn málim etken bolatyn. Qala ákimi bıyl bas shaharda taǵy bir jaǵajaı ashylatynyn, sol sııaqty Oqýshylar saraıynyń janynda taǵy bir skeıt-saıabaq qonys tebetinin, al Trıatlon parkte sport pavılony ashylatynyn aıta kele, byltyr jurtshylyq kóńilinen shyqqan jańa qoǵamdyq keńistikter bıyl da paıda bolatynyn atap ótti. Sonymen qatar qalany abattandyrý bıyl da jalǵasatynyn jetkizdi.

Altaı Kólginov óz sózinde «Nur-Sultan – jaıly qala» master-jospary aıasynda qalany birlesip damytý jáne jaıly etý úshin BIRGE (BIRGE) saıty iske qosylǵanyn, ol jerde elordalyqtar túrli baǵyttar boıynsha usynystary men kózqarastaryn bildire alatynyn atap ótken.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar