Halyq poezııasyndaǵy jańa órleý onyń esimimen tyǵyz baılanysty. Jyr alybynyń esimin abyroımen ıelenip otyrǵan Qazaq memlekettik fılarmonııasy osy ıgi bastama negizinde:
- Patrıotızmdi, rýhanı-adamgershilik úılesimdilikti damytýdy jáne jańa tehnologııalardyń kómegimen jastardyń kórkemdik talǵamyn tárbıeleýdi, kásibı dástúrli mýzyka álemine baýlýdy;
- Almatydaǵy mádenı-aǵartý mekemeleri men ujymdarynyń ózara araqatynasyn jáne tájirıbe almasýyn uıymdastyrýdy, keleshekte birlesken shyǵarmashylyq jumystar jasaýyna yqpal etýdi;
- Qazaqstandyq jas óner ókilderiniń qalyptasýy men damýyna yqpal etýdi, olardyń shyǵarmashylyq áleýetin is júzinde iske asyrýǵa járdem berýdi;
- Qoǵamnyń Jambyl Jabaevtyń shyǵarmashylyǵyna degen yntasyn oıatyp, qyzyǵýshylyǵyn arttyrýdy, jyr alybynyń baǵa jetpes ulttyq murasy arqyly halyqtyń rýhanı deńgeıin damytýdy;
- Qazaqstandyq ónerdiń jas ókilderi men eńbek sińirgen qaıratkerleriniń qatysýymen, uly aqynnyń týyndylaryn mýzykalyq-poetıkalyq jáne teatrlandyrylǵan is-sharalar formatynda usynýdy kózdeıdi.
Atalǵan aýqymdy joba aıasynda: 22-aqpan kúni saǵat 19.00-de halyqaralyq konkýrstardyń laýreaty, ánshi Birjan Báziljan men QR mádenıet qaıratkeri, kúıshi Erjan Álimbetovtyń dástúrli óner keshi ótedi.
5-18 sáýir aralyǵynda Jambyl atyndaǵy memlekettik jasóspirimder kitaphanasynyń uıytqysymen Jambyldyń óleńderin mánerlep oqýdan jasóspirimder arasynda onlaın-baıqaý jarııalanady.
14-sáýir kúni 19.00-de N.Tilendıev atyndaǵy akademııalyq folklorly-etnografııalyq «Otyrar sazy» orkestriniń konserti shymyldyǵyn túrmek.
28-mamyr kúni 19.00-de T.Júrgenov atyndaǵy Qazaq ulttyq óner akademııasynyń stýdentteriniń, mánerlep oqý saıysynyń jeńimpazdarynyń jáne fılarmonııanyń beldi solısteriniń qatysýymen mýzykalyq jáne teatrlandyrylǵan qoıylym ótedi dep kútilýde.
Sonymen qatar, Fılarmonııa foıesinde «Almaty qalasynyń Ortalyqtandyrylǵan kitaphana júıesi» jyr alybynyń shyǵarmashylyǵyna arnalǵan jyljymaly kórmesin kesh qonaqtarynyń nazaryna usynady. Baıqaý týraly tolyq aqparat Fılarmonııanyń áleýmettik jelidegi paraqshasynda jarııalanady.
Arman OKTIаBR,
«Egemen Qazaqstan»
