Semınar barysynda ótinishterdi taldaý qorytyndylary talqylandy, oǵan sáıkes sáýlet jáne qala qurylysy salasynda memlekettik qyzmet kórsetý sapasyna shaǵymdar úlesiniń artqany baıqalady.
Departament basshysy B.Bespalınovtyń aıtýynsha, ótinishterdiń jalpy sanynyń tómendeýi boıynsha oń úrdiske qaramastan, memlekettik qyzmet kórsetý sapasyna shaǵymdar kóbeıip keledi, tipti buzýshylyqtar mólsheri de artýda. Tekserý qorytyndysy boıynsha shaǵymdardyń negizinde 15 negizsiz bas tartý, sondaı-aq bas tartý merzimderin buzýdyń 1 faktisi anyqtaldy. Aıta ketý kerek, memlekettik qyzmet kórsetýden negizsiz bas tartý tekserý paraǵyna sáıkes óreskel buzýshylyq bolyp tabylady.
Departamenttiń aqparaty boıynsha, Ákimshilik quqyq buzýshylyq týraly 14 istiń 5 nemese 36% - y bólim basshylaryna qatysty jasalǵan. Osy saladaǵy azamattardyń shaǵymdarynyń artýy qyzmet kórsetýshiler men múddeli organdar tarapynan egjeı-tegjeıli taldaý qajettiligin kórsetedi. Osylaısha, qurylys salasyndaǵy qurylys salýdy uıymdastyrý jáne ruqsat berý rásimderinen ótý qaǵıdalarynda buryn bolǵan, biraq kórsetilmegen negizder boıynsha keıinnen bas tartýdyń bolýy múmkin emes ekendigi kórsetilgen. Sonda mundaı faktiler ne sebepti qaıtalanady? Keıbir jaǵdaılarda qyzmet kórsetýshiler normatıvtik-tehnıkalyq qujattarǵa silteme jasaıdy, al keıbir jaǵdaılarda olardyń bolýyn elemeıdi.
Departament memlekettik qyzmet kórsetý sapasyn arttyrý boıynsha usynystar engizdi.
Eger siz memlekettik qyzmetterdi alý kezinde quqyqtaryńyzdyń buzylýyna tap bolsańyz, Departamenttiń 51-81-33 senim telefony arqyly habarlasa alasyz.
