Tehnologııa • 22 Aqpan, 2021

9-synyp oqýshysy jańa ústel oıynyn qurastyrdy

20 ret kórsetildi

Oral qalasyndaǵy fızıka-matematıka baǵytyndaǵy Nazarbaev zııatkerlik mektebiniń 9-synyp oqýshysy Aınamkóz Rafıhova ulttyq mazmundaǵy «Zerek» atty ústel oıynyn qurastyryp shyǵardy, dep habarlaıdy Egemen.kz

Aınamkóz Rafıhova oıyn barysynda qatysýshylardyń qazaq halqynyń maqal-mátelderi, ertegiler, jańyltpashtar, yrym-tyıymdar men turaqty tirkester boıynsha bilimi tekseriletinin aıtty.

Aldymen arnaıy zańdylyqtarǵa saı oıynnyń qozǵalys tártibi, ýaqyty, erejeleri, oıynshylar sany jáne túrli bonýstar júıesi oılastyryldy. Oıyn alańynda barlyǵy 57 uıashyq, olardyń arasynda tuzaq (ot jáne sý), bonýs jáne aqyly uıashyqtar bar. Oıyn bastalysymen birinshi oıynshy súıekti laqtyryp, óz qadamyn jasaıdy.

Ol 100 suraq kartasynyń birin tańdap, oǵan jaýap berýi qajet. Tuzaq uıashyqtaryna túsip qalsa, ot uıashyǵynan Kóltaýysar, al sý uıashyǵynan Jelaıaq qutqara alady. Eger oǵan qajet keıipker túspese, oıynshy sol uıashyqta qala beredi. Kerisinshe, ózge oıynshynyń kezegi kelgende 2500 (bonýs túrindegi qaǵaz banknottar) aıyppul tólep, óz jolyn jalǵastyra alady.

Márege kim birinshi jetse, sol jeńimpaz atanady. «Zerek» mazmunyna «sýrettegi maqal-máteldi jalǵastyr/tap», «frazeologızm, yrym-tyıym maǵynasyn ashý, «jańyltpashty qaıtalaý», ertegiler men ańyzdar boıynsha erýdısııany tekserý, jumbaqtardy sheshý sııaqty suraqtar kiredi. Avtordyń sózine qaraǵanda, naryqta «Qoltyraýyn», «Monopolııa» sııaqty orys tilindegi ústel oıyndary kóp, biraq, ókinishke oraı, ana tilinde ulttyq mazmundaǵy oıyndar joqtyń qasy.

– Sońǵy ýaqytta «Qazaq handyǵy» atty ústel oıyny paıda boldy. Bul oıyn tarıhymyzdy, qazaq elindegi basqarý júıesin oıyn arqyly tanystyrýdy kózdegen. Kitap, fılm sekildi ulttyq ıdeologııany nasıhattaý quraly retinde ústel oıynyna da oryn bar dep oılaımyn, – deıdi A.Rafıhova.

Ústel oıyndary adamnyń aqyl-oı, psıhologııalyq damýyna úles qosyp, kishkentaı oıynshylardyń saýsaq motorıkasyn nyǵaıtady eken. Oıynnyń taǵy bir qyzmeti aqparatty qabyldaý, oılaý negizderin, problemalardy ońaı sheshý, bútin men bólshekterdi ajyratý syndy kognıtıvti daǵdylardy damytady. Aınamkóz oıyndy synyptastarymen synap kórdi.

Sondaı-aq jobanyń qaǵaz nusqasy Oral qalasyndaǵy balalar aýyly tárbıelenýshilerine tanystyrylyp, syılyq esebinde usynyldy. Sonymen qatar «Zerektiń» elektrondy nusqasy daıyndaldy (https://my.flipbookpdf.net/7k2rP).

– Ulttyq mazmundaǵy ústel oıynynyń jahandaný kezeńindegi mańyzy erekshe, aldaǵy ýaqytta oıyn sharttary týraly qosymsha qural daıyndaý josparda bar. Sonymen birge «Kókpar», «Qyz qýý» ulttyq oıyndarynyń sharttaryna negizdelgen ulttyq mazmundaǵy ústel oıynyn qurastyrmaqpyn, – deıdi avtor.

Aınamkóz joba barysynda baǵyt-baǵdar bergen jetekshileri – qazaq tili men ádebıeti pániniń muǵalimi Jansáýle Maqsotova men óner pániniń muǵalimi Janna Qulbekovaǵa alǵysyn jetkizdi.

Sońǵy jańalyqtar

Bir shańyraqtan – úsh maıdanger

Rýhanııat • Búgin, 14:00

Jetpis jeti jyldan keıin kelgen marapat

Aımaqtar • Búgin, 11:47

Taraz qalasynda 20 soǵys ardageri bar

Aımaqtar • Búgin, 11:00

Qazaqstannyń 7 óńiri «qyzyl aımaqta» tur

Koronavırýs • Búgin, 10:45

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Mereke kúnder jańbyrly bolady

Aýa raıy • Keshe

Ammanǵa attandy

Sport • Keshe

Qazanda kúsh synasýda

Sport • Keshe

Shet eldegi qazaq generaldary

Qazaqstan • Keshe

Qadir túniniń qasıeti

Rýhanııat • Keshe

Erlik pen patrıotızm mektebi

Qazaqstan • Keshe

Uqsas jańalyqtar