Parıjdegi Ekonomıkalyq yntymaqtastyq jáne damý uıymynyń shtab-páterinde Qazaqstan Respýblıkasynyń Salyq máseleleri jónindegi ózara ákimshilik járdem kórsetý konvensııasyna qosylý týraly aktige qol qoıý rásimi ótti.
Parıjdegi Ekonomıkalyq yntymaqtastyq jáne damý uıymynyń shtab-páterinde Qazaqstan Respýblıkasynyń Salyq máseleleri jónindegi ózara ákimshilik járdem kórsetý konvensııasyna qosylý týraly aktige qol qoıý rásimi ótti.
Elimizdiń Úkimeti atynan qujatqa Qazaqstannyń Fransııadaǵy Tótenshe jáne ókiletti elshisi Nurlan Dánenov qol qoıdy.
Qazirgi ýaqytta atalǵan Konvensııaǵa 63 memleket qosylǵan. Onyń negizgi maqsaty halyqaralyq deńgeıde salyqtan jaltarýǵa qarsy kúresý bolyp tabylady. Múshe memleketter bir-birine aqparatpen almasý, salyq baqylaýyn ótkizý, sondaı-aq, salyqtyq qaryzdardy qaıtarý jáne t.b sharalar arqyly ózara qolǵabys kórsetip otyrady.
Belgilengen tártipke sáıkes, Konvensııa maquldaýdan ótkennen keıin úsh aı merzim ishinde kúshine enedi. Bul elimizde jáne basqa da memleketterde qazaqstandyq jeke jáne zańdy tulǵalarǵa salyqtyq baqylaýdy júıelendirýge múmkindik beredi, dep habarlady QR SIM-iniń baspasóz qyzmeti.
