Foto: Bereke Seıitjappar
Bul jóninde qala ákimi Murat Áıtenov halyq aldynda bergen jyldyq esebinde baıandady. Eldegi epıdemııalyq ahýalǵa baılanysty esepti kezdesý onlaın formatta uıymdastyryldy.
– Aýyryp em izdegenshe, aýyrmaýdyń jolyn izdegen jón. Sol úshin Prezıdenttiń tapsyrmasyna sáıkes, bıyl buqaralyq sportty damytýǵa kóńil bólemiz. Bıyl 117 myńnan astam oqýshy arasynda «Jastar lıgasyn» ótkizemiz. Bul Lıga sporttyń tórt túrinen – fýtbol, voleıbol, basketbol jáne shahmattan ótedi. Jalpy júlde qory 80 mln teńge. Ár baǵyt boıynsha jeńip shyqqan komandalarǵa oqý ornyn odan ári damytý úshin 20 mln teńge syıaqy beremiz, – dedi qala ákimi.
Aıta keteıik, bıyl shaharda QR Táýelsizdiginiń 30 jyldyq merekesine oraı uıymdastyrylatyn «Shymkent jastar lıgasy» mektep oqýshylarynyń bos ýaqytyn tıimdi ótkizý, sportpen shuǵyldaný arqyly olardyń erik pen tabandylyǵyn qalyptastyrý jáne Qazaqstan Respýblıkasynyń chempıonattaryna komanda jasaqtaýdy kózdeıdi.
