О́tken jyly 34 myńnan astam halqy bar 4 shaǵyn aýdanǵa káriz júıesi qosyldy. Bul jóninde qala ákimi Murat Áıtenov esepti jıynda baıandady.
– Káriz júıesindegi úlken másele qubyr salý emes, shaıyndy sý tazartý kesheninde. Qalada káriz sýyn tazalaıtyn jalǵyz keshen bar. Onyń qýattylyǵy 150 myń metr kýb, al naqty qajettilik 360 myń metr kýb. Shaǵyn aýdannyń barlyǵyn kanalızasııaǵa qosýǵa qýaty jetpeıdi. Bul máseleni sheshý boıynsha da belgili bir jospar boıynsha áreket etip otyrmyz, – dedi qala ákimi.
Bıyl 18 myń halyq turatyn turǵyn úı alaptary kárizge qosylyp, kórsetkishi 52,3 paıyzdan 54 paıyzǵa artady. 2025 jylǵa deıin bul kórsetkish 75 paıyzǵa jetedi.
Sonymen qatar, shahar basshysy qaladaǵy tozyǵy jetken jylý qubyrlaryn kezeń-kezeńimen aýystyrý qajettigin aıtyp ótti. Osy maqsatta ótken jyly 15 nysanda qurylys jáne jóndeý jumystary júrgizilip, jylý qubyrlarynyń tozý deńgeıi 42,7 paıyzdan 38 paıyzǵa tómendedi.
Bıyl tozyǵy jetken 41 shaqyrym jylý qubyry jóndelip, qubyrlardyń tozý deńgeıi 38 paıyzdan 37 paıyzǵa tómendeıdi.
