Taǵaıyndaý • 24 Aqpan, 2021

Aqparat jáne qoǵamdyq damý mınıstrliginiń apparat basshysy taǵaıyndaldy

77 ret kórsetildi

Aqparat jáne qoǵamdyq damý mınıstriniń buıryǵymen Serik Rahmetollauly Egizbaev Aqparat jáne qoǵamdyq damý mınıstrliginiń apparat basshysy laýazymyna taǵaıyndaldy, dep habarlaıdy Egemen.kz Premer-Mınıstriniń Baspasóz qyzmetine silteme jasap.

Serik Egizbaev 1963 jyly Batys Qazaqstan oblysynda dúnıege kelgen. Batys Qazaqstan aýyl sharýashylyǵy ınstıtýtyn, QR Prezıdenti janyndaǵy Memlekettik basqarý akademııasyn, Qazaq memlekettik zań akademııasyn, sondaı-aq BLKJO OK janyndaǵy Joǵary komsomol mektebin támamdaǵan.

Eńbek jolyn Oral (qazirgi Batys Qazaqstan) oblysyndaǵy «Chapaev» zaýytynda jumysshy bolyp bastaǵan. Aýyl sharýashylyǵy ınstıtýtyn bitirgennen keıin zaýytqa qaıta oraldy.

1990-1993 jyldary — Oral oblystyq Qazaqstan Jastar Odaǵy ıdeologııalyq bóliminiń meńgerýshi-hatshysy.

1993 jyly — Batys Qazaqstan oblystyq Qazaqstan Jastar odaǵynyń birinshi hatshysy bolyp taǵaıyndaldy.

1997-1998 jyldary Batys Qazaqstan oblysynyń ákimdiginde bas ınspektor, uıymdastyrý jáne kadr jumysy departamenti dırektorynyń orynbasary laýazymdarynda qyzmet atqardy.

2000 jyldan 2001 jylǵa deıin QR Qarjy mınıstrliginiń Uıymdastyrý jáne kadr jumysy departamentiniń bólim basshysy bolyp jumys istedi.

2001-2007 jyldary QR Premer-Mınıstriniń Keńsesinde túrli qyzmetter atqarǵan.

2007-2016 jyldary — QR Prezıdenti Ákimshiliginde túrli laýazymdarda jumys istegen.

2016 jylǵy qazanda QR aýyl sharýashylyǵy vıse-mınıstri bolyp taǵaıyndaldy.

2017 jylǵy naýryzda — «Qazaqstan» RTRK basqarma tóraǵasynyń óńirlik damý jónindegi orynbasary.

2019 jylǵy qyrkúıek aıynan bastap qazirge deıin Batys Qazaqstan oblysy ákiminiń orynbasary qyzmetin atqardy.

Sońǵy jańalyqtar

Uqsas jańalyqtar