Úkimet • 24 Aqpan, 2021

26 aqpanda Úkimet otyrysy ótedi

8 ret kórsetildi

26 aqpanda Senatta Palata Tóraǵasynyń orynbasary Nurlan Ábdirovtyń tóraǵalyq etýimen «Qazaqstan Respýblıkasynyń ónerkásiptik saıasatyn zańnamalyq retteý: jaı-kúıi, problemalary jáne sheshý joldary» taqyryby boıynsha Úkimet saǵaty ótedi, dep habarlaıdy Egemen.kz

Is-shara barysynda elimizdiń Indýstrııa jáne ınfraqurylymdyq damý mınıstri Beıbit Atamqulov depýtattar aldynda esep beredi. Sondaı-aq, Úkimet saǵatyna 12 mınıstrlik pen 3 agenttik ókilderi, oblys ákimdikteriniń basshylyǵy, «Atameken» Ulttyq kásipkerler palatasynyń músheleri, ónerkásipti damytý ınstıtýttarynyń basshylary jáne Senat janyndaǵy Jas sarapshylar klýbyna músheleri onlaın rejimde qosylyp otyrady.

Senatorlar osy Úkimet saǵatyna bir aı boıy daıyndyq júrgizgen bolatyn. Senattyń Ekonomıkalyq saıasat, ınnovasııalyq damý jáne kásipkerlik komıtetiniń depýtattary túrli mınıstrlikter men mekemelerdiń basshylyǵymen 6 kezdesý ótkizip, 95 máseleni talqylady. Sonyń arqasynda elimizdegi óńdeý ónerkásibiniń serpindi damýyn tejeıtin negizgi problemalar, sondaı-aq olardy sheshýdiń joldary anyqtaldy.

Úkimet saǵatynyń qorytyndysy boıynsha senatorlar Qazaqstandaǵy óńdeý ónerkásibiniń damýyna tyń serpin beretin usynystaryn ázirleıdi.

QR Parlamenti Senatynyń resmı saıtyndaǵy tikeleı efırde Úkimet saǵaty http://senate.parlam.kz/kk-KZ/live siltemesi boıynsha onlaın rejimde kórsetiledi.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar