Qoǵam • 24 Aqpan, 2021

Nur Otan azamattar úshin mınıstrlermen onlaın-kezdesýler ótkizýde

8 ret kórsetildi

«Nur Otan»-nyń Respýblıkalyq qoǵamdyq qabyldaý bólmesinde azamattardyń mınıstrlermen jáne memlekettik organdardyń basshylarymen onlaın-kezdesýleri jalǵasýda. Qazaqstandyqtardyń mınıstrlerge qandaı máselelermen keletini týraly partııa Ortalyq apparatynyń baspasóz qyzmeti málim etti, dep habarlaıdy Egemen.kz.

Ádilet mınıstri Marat Beketaevtyń azamattardy qabyldaýy barysynda alımentti ýaqytyly tóleý týraly másele birneshe ret kóterildi. Kentaý turǵyny Baǵıla Toǵmaǵambetova jeke sot oryndaýshylarynyń bereshekti óndirip alý boıynsha áreketsizdigine shaǵymdandy. Týra osyndaı máselemen mınıstrge Túrkistan oblysynyń turǵyny Aqmaral Jaqypova da júgindi. Qabyldaý qorytyndysy boıynsha mınıstr óńirlik qurylymdarǵa barlyq materıaldardy zerdelep, tıisti sharalar qabyldaýdy tapsyrdy.

Advokat Janna Orazbahova Ishki ister mınıstri Erlan Turǵymbaevqa seksýaldyq zorlyq-zombylyqqa qarsy arnaıy ortalyqtar qurýdy usyndy. Onyń aıtýynsha, bul ortalyqtarda zardap shekkenderge kómek «bir tereze» qaǵıdaty boıynsha kórsetilýi múmkin, ıaǵnı, sol jerde polısııa birden shaǵymyn qabyldap, dárigerler tekserý júrgizip, psıhologtar qajetti kómek kórsetedi.

О́z kezeginde Erlan Turǵymbaev jobamen egjeı-tegjeıli tanysýǵa ýáde berdi. Mınıstrdiń azamattardy qabyldaýy 4 saǵattan astam ýaqytqa sozylǵanyn aıta keteıik.

Qarjy mınıstri Erulan Jamaýbaevtyń qabyldaýynda «Temeki tútininen azat Qazaqstan úshin» koalısııasynyń jetekshisi Jámıla Sadyqova Qazaqstandaǵy zııandy ónimderdi retteý máselesin kóterdi.

Almaty qalasynyń turǵyny Gúldarııa Qasteeva Mádenıet jáne sport mınıstri Aqtoty Raıymqulovaǵa Á.Qasteevtiń mýzeı-úıine qalpyna keltirý jumystaryn júrgizý jáne irgeles aýmaqtyń kúrdeli jóndeý men abattandyrýdy qajet etetinin, sondaı-aq qyzmetkerlerdiń jetispeıtinin aıtty. Mınıstr bul máseleni óziniń jeke baqylaýyna aldy.

Bilim jáne ǵylym mınıstri Ashat Aımaǵambetovpen kezdesýde azamattar qashyqtan oqytý jáne pedagogıkalyq mamandyq túlekterin jumysqa ornalastyrý máselelerin kóterdi.

Sondaı-aq Premer-Mınıstrdiń orynbasary Roman Sklıar men Ulttyq ekonomıka mınıstri Áset Erǵalıev ta azamattardy qabyldady.

Aıta keteıik, ótken jyly «Nur Otan» partııasynyń qoǵamdyq qabyldaý bólmesine búkil el boıynsha 393 myńnan astam ótinish kelip tústi Bul – 2019 jylmen salystyrǵanda 2 ese kóp. Bul rette sońǵy 5 jylda partııaǵa 1,2 mln adam júgindi, onyń ishinde 423 myńnan astamy – onlaın formatta. Olardyń 92% oń sheshimin tapty, tegin konsýltatıvtik, quqyqtyq jáne ózge de kómek kórsetildi.

Taldaý kórsetkendeı, halyqty negizinen áleýmettik qamsyzdandyrý – 30%, turǵyn úı-kommýnaldyq sharýashylyq – 16%, turǵyn úımen qamtamasyz etý – 15%, eńbek daýlary – 14%, qurylys – 9%, bilim berý – 9%, medısınalyq qyzmet kórsetý – 7% máseleleri alańdatty.

Mınıstrlerdiń – «Nur Otan» partııasy músheleriniń qabyldaýyna jazylý úshin tómendegi nómirlerge habarlasý kerek:
1. Call-ortalyq 8 800 080 4441 (Qazaqstan boıynsha qońyraý shalý tegin);
2. Whatsapp 8700 800 4441
3. komek@nurotan.kz

Sońǵy jańalyqtar

Nar tulǵa

Rýhanııat • Keshe

Ekpe saldyrý ózekti

Medısına • Keshe

Sheteldik basylymnan

Álem • Keshe

Aq úıdiń alǵashqy meımany

Álem • 17 Sáýir, 2021

Poıyz avtokólikti soqty

Oqıǵa • 17 Sáýir, 2021

Petropavlda tilsiz jaý der kezinde quryqtaldy

Aımaqtar • 17 Sáýir, 2021

ShQO-da mal urylary ustaldy

Aımaqtar • 17 Sáýir, 2021

Bir táýlikte 2822 adamnan koronavırýs anyqtaldy

Koronavırýs • 17 Sáýir, 2021

Uqsas jańalyqtar