Bul kúnderi Qazaqstan halqynyń aldynda Memleket basshysynyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýyn iske asyrý mindeti tur. Qoǵam aldynda táýelsizdiktiń 20 jyldan astam ýaqytyndaǵy jetistikterin saqtap qalý mindeti qoıylǵan, «myqty memleket aman qalý saıasatymen emes, josparlaý, uzaq merzimdi damý men ekonomıkalyq ósý saıasatymen aınalysady». Prezıdent Qazaqstannyń álemniń eń damyǵan 30 memleketiniń qataryna kirýi jóninde maqsat qoıdy.
Bul kúnderi Qazaqstan halqynyń aldynda Memleket basshysynyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýyn iske asyrý mindeti tur. Qoǵam aldynda táýelsizdiktiń 20 jyldan astam ýaqytyndaǵy jetistikterin saqtap qalý mindeti qoıylǵan, «myqty memleket aman qalý saıasatymen emes, josparlaý, uzaq merzimdi damý men ekonomıkalyq ósý saıasatymen aınalysady». Prezıdent Qazaqstannyń álemniń eń damyǵan 30 memleketiniń qataryna kirýi jóninde maqsat qoıdy.
Osyǵan baılanysty Qazaqstan Respýblıkasynyń negizgi mindetteriniń biri jańa ázirlenimderdi, ónertabystar men ınnovasııalardy senimdi quqyqtyq qorǵaý, olardy kommersııalandyrý men óndiriske engizýge yqpal etý bolyp tabylady.
Qazaqstan Respýblıkasy Ádilet mınıstrliginiń Zııatkerlik menshik quqyǵy komıteti óz quzyreti sheginde zııatkerlik menshik quqyǵyn qorǵaý jáne saqtaý salasyndaǵy baqylaý jáne (nemese) iske asyrý mindetterin júzege asyratyn Qazaqstan Respýblıkasy Ádilet mınıstrliginiń vedomstvosy bolyp tabylady.
Elbasy Joldaýynda avtorlyq quqyqtar men patentterdiń máselelerin retteıtin zańnamaǵa revızııa júrgizýdi jáne buryn berilgen barlyq patentter men tirkelgen avtorlyq quqyqtardy, olardy kommersııalandyrý múmkindigine taldaý jasaýdy tapsyrdy. Osy Joldaýdy iske asyrý maqsatynda Qazaqstan Respýblıkasy Prezıdentiniń 2012 jylǵy 18 jeltoqsandaǵy №449 Jarlyǵymen is-sharalardyń jalpyulttyq jospary ázirlenip, bekitildi, onyń aıasynda buryn berilgen barlyq patentter men tirkelgen avtorlyq quqyqtardy, olardy kommersııalandyrý múmkindigine taldaý júrgizildi. Taldaý nátıjeleri Indýstrııa jáne jańa tehnologııalar mınıstrligine berildi.
Quramyna túrli mınıstrlikterdiń, qarjy polısııasynyń, úkimettik emes uıymdardyń ókilderi men patenttik senim bildirilgen adamdar engen jumys toby quryldy. Jumys toby avtorlyq jáne aralas quqyq, patenttik quqyq, taýar belgileri jáne seleksııalyq jetistikter sııaqty salalarǵa qatysty barlyq normatıvtik quqyqtyq aktilerge revızııa júrgizdi.
Zańnamaǵa júrgizilgen revızııanyń nátıjesi zııatkerlik menshik salasyndaǵy zańnamalyq aktilerdi qaıta qarastyrý qajettiligin kórsetti.
Osyǵan baılanysty «Qazaqstan Respýblıkasynyń keıbir zańnamalyq aktilerine zııatkerlik menshik salasyn quqyqtyq retteý máseleleri boıynsha ózgerister men tolyqtyrýlar engizý týraly» zań jobasy ázirlendi. Zań jobasynda jınalǵan syıaqynyń somasynan 30% mólsherindegi ustap qalýdyń shektik paıyzyn belgileý, ujymdyq uıymdardyń mindetterin naqtylaý, tapsyrys berýdiń avtorlyq kelisim-shartyn jasasý tártibin reglamentteý, ınnovasııalyq patentti ónerkásiptik menshik obektilerin patentteý júıesinen alyp tastaý, qyzmettik paıdaly model men qyzmettik ónerkásiptik úlgilerdi paıdalanýdyń quqyqtyq rejimin belgileý jáne t.b. bólikterine túzetýler engizý kózdelgen.
Ádilet organdary zııatkerlik menshik quqyǵyn qamtamasyz etý maqsatynda quqyq qorǵaý organdarymen birge turaqty túrde tekserý is-sharalaryn ótkizip turady.
Iаǵnı, 2013 jylda ádilet organdary quqyq qorǵaý organdarymen birge 598 tekserý júrgizgen, 74 mln. teńgeden artyq somaǵa 119 myń birlik kontrafaktilik ónim alynǵan.
Budan bólek, 2013 jyldyń 4 qyrkúıeginde Dúnıejúzilik ekonomıkalyq forýmy (DEF) Jahandyq básekelestik týraly 2013-2014 jyldarǵa arnalǵan jyl saıynǵy esebin jarııalady.
Memlekettik organdardyń qyzmetin taldaý nátıjesi boıynsha Dúnıejúzilik ekonomıkalyq forýmynyń Básekelestiktiń jahandyq ındeksi reıtıngisinde «Zııatkerlik menshikti qorǵaý» krıterııi boıynsha Qazaqstan 19 pozısııaǵa kóterildi. Osylaısha, Qazaqstan Respýblıkasy 92-shi orynnan 73-shi orynǵa kóterildi. Sońǵy eki jylda atalǵan reıtıngtiń kórsetkishi 43 pozısııaǵa jaqsardy.
Keden odaǵy men Birtutas ekonomıkalyq keńistik aıasyndaǵy Zııatkerlik menshik quqyǵyn qorǵaý men saqtaý salasynyń negizgi prınsıpteri 2010 jylǵy 9 jeltoqsandaǵy Zııatkerlik menshik quqyǵyn qorǵaý men saqtaý salasyndaǵy retteýdiń biryńǵaı prınsıpteri týraly kelisimmen aıqyndalǵan.
DSU-ǵa kirý boıynsha Memleket basshysy qoıǵan mindetterdi eskere otyryp, ındýstrııaldy-údemeli jumysty damytý, ákimshilik kedergilerdi tómendetý, Qazaqstannyń álemdegi básekege qabiletti 30 eldiń qataryna enýi úshin basym baǵyttary aıqyn anyqtalǵan. Osyǵan baılanysty, memleketimiz ekonomıkany nyǵaıtý jáne halyqtyń ál-aýqatyn kóterý maqsatynda elimizdiń zııatkerlik áleýetin damytýǵa yqpal jasaı otyryp jetken jetistikterimen toqtamaıdy. Búgingi tańda jas táýelsiz respýblıkamyz áleýmettik-ekonomıkalyq jáne saıası jańǵyrýdyń kezeńinen tabysty ótýde, óziniń jańa múmkindikterin ashýda, óz damýynyń negizi bolatyn traektorııasy – Qazaqstan jolymen júrýdi jalǵastyrýda.
Abzal ESTAEV,
Ádilet mınıstrligi Zııatkerlik menshik
quqyǵy komıtetiniń tóraǵasy.
