Senat otyrysynda depýtat Birǵanym Áıtimova Premer-Mınıstr Serik Ahmetovtiń atyna depýtattyq saýal joldaǵan edi. Onda bylaı delinedi:
«Bizdiń depýtattyq saýalymyz komıtettiń ótken aıdaǵy Mańǵystaý oblysyna saparynyń qorytyndysy boıynsha týyndap otyr. Sapar barysynda áskerı qyzmetshilermen, shekarashylarmen kezdesýler ótkizip, olardyń turmys tirshiligimen, áleýmettik jaǵdaıymen tanystyq.
Senat otyrysynda depýtat Birǵanym Áıtimova Premer-Mınıstr Serik Ahmetovtiń atyna depýtattyq saýal joldaǵan edi. Onda bylaı delinedi:
«Bizdiń depýtattyq saýalymyz komıtettiń ótken aıdaǵy Mańǵystaý oblysyna saparynyń qorytyndysy boıynsha týyndap otyr. Sapar barysynda áskerı qyzmetshilermen, shekarashylarmen kezdesýler ótkizip, olardyń turmys tirshiligimen, áleýmettik jaǵdaıymen tanystyq.
Elimizdiń batys óńirindegi klımattyq jaǵdaı barshaǵa belgili. Jazdaǵy kúnniń aptap ystyǵy, aýanyń joǵary temperatýrasy, qurǵaqtyǵy, qum aralasqan ystyq jel, al qystaǵy qytymyr aıaz, jıi soǵatyn sýyq jel sol óńirde áskerı qyzmet atqaratyn áskerı qyzmetshilerdiń, shekarashylardyń densaýlyǵyna zııandy áserin tıgizetini sózsiz. Osyǵan baılanysty Mańǵystaý oblysy aýyr ekologııalyq jáne klımattyq jaǵdaıdaǵy ólkege jatady.
Elimizdiń ártúrli óńirindegi kúnkóris jaǵdaıyn salystyrǵan kezde Aqtaý qalasy Qazaqstannyń eń qymbat qalalarynyń biri bolyp otyr. Osyǵan qaramastan, áskerı qyzmetshilerge qosymsha tólemaqy qarastyrylmaǵan.
Mysaly, áskerı teńizshilerdiń áskerı-kásibı qyzmeti kóp jaǵdaılarda kemelerde uzaq merzimge qalý qajettiligimen, sý ústinde ornalasqan, ıaǵnı turaqsyz negizdegi jabdyqqa qyzmet kórsetýmen, kemelerde jumys úderisiniń birqalypty jaǵdaıdan joǵary qysymdy, kerneýli jaǵdaıǵa birden aýysýymen baılanysty. Áskerı-kásibı qyzmet jaǵdaıynyń atalǵan ereksheligi júzýshi quramnyń organızmine turaqty zııandy áser etedi.
Qazirgi ýaqytta Qorǵanys mınıstrliginiń osyndaı kásibı aýyrtpalyq, qysym túsetin áýede ushý quramyna 50% ústemeaqy tólenedi.
Osyndaı jaǵdaıda, kemelerde qyzmet atqaratyn áskerı qyzmetshilerdiń sanynyń azdyǵyn eskere otyryp, olardyń kemelerde qyzmet etý yntasyn kóterý úshin júzýshi quramǵa kemelerde qyzmet etýdiń erekshe jaǵdaıyna baılanysty, aqsha úlesine 50% jáne teńizde júrý ólshem ýaqytyna sáıkes 30% ústemeaqy engizý máselesin qarastyrýyńyzdy ótinemiz.
Sonymen qatar, teńiz súńgýirleriniń jumysy eń kúrdeli jumystardyń biri bolyp tabylady. Ol avarııaǵa túsken kemelerge kómek kórsetýmen, adamdardy qutqarýmen, sýǵa batqan kemelerdi kóterip shyǵarýmen, barlaýmen jáne desantqa qarsy bógetterdi talqandaýmen, qarsylastyń mınalaryn izdeýmen jáne joıýmen, basqa da sý asty qaýipti jumystaryn atqarýmen baılanysty bolyp keledi. Súńgýirler sý astyna túsý ýaqytynda ártúrli áserlerge ushyraǵysh, mysaly, qan qysymy birden túsip ketýi, jaraqat alýy jáne basqa da tosyn jaǵdaılarǵa tap bolýy múmkin.
Joǵaryda kórsetilgenderdiń negizinde súńgýirlerdiń jumysty atqarý jaǵdaıyna jáne sý astyndaǵy ólshem ýaqytyna sáıkes 100%-ǵa deıin ústemeaqy engizý jaǵdaıyn qarastyrýyńyzdy suraımyz».
