Túrkııa polısııasy premer-mınıstr Taııp Erdogannyń otstavkaǵa ketýin talap etken júzdegen ereýilshini Ystambuldaǵy Taksım alańynan yǵystyryp shyǵardy. Bul týraly ITAR-TASS habarlady.
«Al-Maıadın» telearnasynyń aqpary boıynsha, tártip saqshylary ereýilshilerge qarsy sý atqysh pen plastıkalyq oqtar qoldanǵan. Ereýilshiler Taksım alańyna 27 jeltoqsan kúni saǵat 19:00-den bastap jınala bastaǵan eken. Polısııa qyzmetkerleri uıymdasqan ereýildi boldyrmaı, premer qarsylastaryn birden taratyp jibergen.
Narazylyq aksııasy Túrkııa bıliginde oryn alyp jatqan janjalǵa oraılastyrylyp otyr. Mundaǵy jemqorlyqqa qarsy aýqymdy is-shara barysynda 50 kúdikti qamaýǵa alynǵan. Olardyń arasynda burynǵy úkimette qyzmet etken úsh mınıstrdiń uldary bar. Endi Túrkııa Bas prokýratýrasy mınıstrlerdiń ózderine de qatysty qylmystyq is qozǵaıtyn kórinedi.
О́tken sársenbide Taııp Erdogan úkimette biraz ózgerister engizilip jatqanyn málimdedi.
Aıdar О́risbaev.
Derekkóz: Itar-tass.com
Foto: Itar-tass.com
