Aımaqtar • 26 Aqpan, 2021

Ákim aqynǵa qurmet kórsetti

189 ret kórsetildi

Qazaqtyń kórnekti aqyny, Memlekettik syılyqtyń laýreaty Kúlásh Ahmetovanyń úıine Jambyl oblysynyń ákimi arnaıy bardy. Aqynnyń jýyrda ǵana jaryq kórgen bes tomdyq shyǵarmalar jınaǵynyń tusaýy kesildi.

Aqyn shańyraǵynda ótken shara barysynda Berdibek Saparbaev Kúlásh Ahmetovanyń qazaq ádebıetindegi ornyna toqtalyp, onyń poezııadaǵy eleýli eńbegin atap ótti. Ákim óz sózinde aqynnyń ómir joly, óner joly árqashan da jastarǵa úlgi-ónege ekenin jetkizdi. Sonymen qatar, ákim aqynǵa qazaqtyń salty boıynsha qurmet kórsetip, ákimdiktiń atynan syı-sııapat jasady. Aqyn da aqynyn ardaqtaǵan ákimge rızashylyǵyn bildirdi. Atalǵan sharany Taraz qalalyq Jambyl-Taraz" gazetiniń bas redaktory Elmıra Myrza-Ǵalı júrgizip otyrdy. Sondaı-aq, ol aqynnyń "Aısha bıbi" atty óleńin oqyp berdi. Sonymen qatar, Juldyz Beısek, Nurjan Qadiráli, Araıly Jaqsylyq sııaqty áýlıeatalyq jas aqyndar da aqynǵa arnalǵan óleńderin oqydy.

l

Kúlásh Ahmetova qazaq óleńine ózindik názik únimen, kórkem shyndyǵymen kelgen aqyn. Ár jyldary aqynnyń túrli poetıkalyq kitaptary jaryq kórip, oqyrmannan laıyqty baǵasyn alǵan. Jarty ǵasyrdan astam ýaqyttan beri jary, aqyn Qaıyrbek Asanov ekeýi qazaqtyń qara óleńine qyzmet etip keledi. Jýyrda ǵana baspadan shyqqan bes tomdyq shyǵarmalary da ulttyń óleń ónerine qosylǵan qundy dúnıeler. Kitapta Ábdilda Tájibaev, Qadyr Myrzalıev, Ábish Kekilbaev, Nesipbek Aıtuly jáne ózge de belgili qalamgerlerdiń maqalalary jarııalanǵan. Aıta keteıik, aqyn Kúlásh Ahmetova bıyl 75 jasqa tolady.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar