Belarýspen baılanystyń bir belesi

Qazaqstandyq delega­sııa ókilderi – Ulttyq aka­de­mııa­lyq kitaphana men óńir­lik kitaphanalar jeke ekspo­zı­sııa­­lyq alańda qazaq ádebıeti men mádenıetin nasıhatta­­dy. Kórmede el Táýelsizdiginiń 30 jyl­­dyǵyna, mereıtoılyq da­ta­larǵa arnalǵan kitaptar, El­basy Nursultan Nazarbaev pen el Prezıdenti Qasym-Jo­mart Toqaevtyń eń­bekteri, ta­rı­hı jáne mura­ǵattyq qujat­tar, zamanaýı ba­sy­lymdar, son­daı-aq, 2021 jyl­­daǵy mereı­toı ıeleriniń – Yby­raı Altynsarın, Jambyl Ja­baev, Muqaǵalı Maqataev, t.b. avtor­lardyń kitaptary qo­ıyldy.

«Eldik ekspozısııa Qazaq­stan Táýelsizdiginiń 30 jyl­dyǵyna arnalǵan jáne birqa­tar qazaqstandyq uıymnyń kú­shimen jasaqtalǵan. Stendtiń qalyptasýyna Qazaqstan Res­pýblıkasynyń Kitap palatasy men Qazaqstan Jazýshylar odaǵy yqpal etti», dep habarlady Qazaqstannyń Belarýs Respýblıkasyndaǵy elshiligi.

El pavılonynyń saltanatty ashylý rásimi Belarýs Respýblıkasynyń Aqparat mınıstri Igor Lýskııdiń, memleket qaıratkeri, dıplomat, Belarýs Respýblıkasy Prezıdenti ákimshiligi bas­shysynyń birinshi orynbasary Maksım Ryjenkovtyń, Qazaqstan Respýblıkasynyń Belarýs Respýblıkasyndaǵy Tótenshe jáne ókiletti el­shi­si Asqar Beısenbaevtyń, Be­larýs Respýblıkasy Ulttyq kitaphanasynyń dırektory Ro­man Motýlskııdiń, «Zvıaz­da» baspa úıiniń dırek­tory Aleksandr Karlıý­ke­vıchtiń, Belarýs respýb­lı­kasy Jazýshylar odaǵy tór­aǵasynyń orynbasary Elena Stelmahtyń jáne Bela­rýs­tegi qazaq dıasporasynyń qa­ty­sýymen ótti.

Shara barysynda Belarýs Ulttyq kitaphanasynda Qa­zaq ádebıeti men mádenıeti or­­talyǵy ashyldy. Aıta ke­te­ıik, Ulttyq akademııalyq kitaphana Mádenıet jáne sport mınıstrliginiń qoldaýymen, Syrtqy ister mınıstrligimen jáne Qazaqstannyń shet el­derdegi elshilikterimen bir­lesip, álemniń ulttyq jáne bas­qa da kitaphanalarynda qa­zaq ádebıe­ti men mádenıeti ortalyqta­ryn ashý halyq­aralyq jobasyn sát­ti júzege asyrýda.

Búginde álemniń 38 elinde, máselen, Koreıa, Qyrǵyz Res­pýblıkasy, Fınlıandııa, Ven­grııa, Reseı Federasııasy, Ar­­menııa, Malaızııa, Túrkııa, Fran­sııa, Japonııa, Shvesııa, Makedonııa, Bolgarııa, Chehııa, Italııa elderinde, sondaı-aq Nıý-Iork kópshilik ki­tapha­nasy, AQSh Kongresiniń kitap­hanasynda ortalyqtar ashylyp, jumys istep tur.

Kezdesý aıasynda Qazaqstan men Belarýs ulttyq kitapha­nalary arasynda ózara má­denı jáne kitaphanalyq ynty­maqtastyq, halyqaralyq ki­tap almasý, tájirıbe jáne ma­man­dar almasý, sıfrly, elek­trondy ózara is-qımyl máseleleri qamtylatyn memo­randýmǵa qol qoıyldy.

Kórmeniń ashylý rásiminde Qazaqstan Respýblıkasy­nyń Tótenshe jáne ókiletti elshisi Asqar Beısenbaev: «Mınsk tórindegi keremet ǵımaratta osyndaı eki el­diń is-sharasyna qatysyp otyr­ǵanyma qýanyshtymyn. Bul ǵımarat – jaı ǵana kitaphana emes, arhıtektýranyń ǵa­jaıyp týyndysy. Belarýs Res­pýblıkasy Ulttyq ki­taphanasymen biz jaqsy qa­rym-qatynastamyz. Ártúrli meı­ramdar men aıtýly kún­derdi birge atap ótý tamasha dás­túrge aınaldy. О́tken jyly ál-Farabıdiń 1150 jyldyǵy men Abaıdyń 175 jyldyǵyna baılanysty túrli is-sharalardy birlesip ótkizdik. Bul úshin Belarýs Respýblıkasy Ult­tyq kitaphanasynyń dırektory Roman Motýlskııge al­ǵys aıtqym keledi. Bıyl Qa­zaqstan óz Táýelsizdiginiń 30 jyl­dy­ǵyn atap ótýde. Mine, eli­mizdiń Ulttyq akademııalyq kitaphanasy Be­larýs Respýb­lıkasy Ulttyq ki­tap­hanasynda qazaq ádebıeti men mádenıeti ortalyǵyn ashyp jatyr. Bul eki el arasyndaǵy rýhanı qa­rym-qatynasty odan ári ny­ǵaıtary sózsiz», dedi.

Aıta keteıik, el delega­sııa­sy Belarýs Ulttyq kitapha­na­syna 300-den astam ki­tap alyp barǵan.