Osyndaı alǵys alǵan jandardyń biri - Shlekenov Mýhamedıar. Mekeme qyzmetkerleri ardagerdiń úıine arnaıy baryp 1 naýryz «Alǵys aıtý kúnimen» quttyqtady, estelik syılyqtar tabystady. Sonymen qatar, ardagermen áńgime-suhbat quryp, onyń eńbek etken jyldaryndaǵy qyzyqty oqıǵalarymen bólisti, ózderiniń daǵdysyn shyńdaý úshin ozyq tájirıbelerinen ilim aldy.
Ardager atamyz alǵys aıtý kúnininń tarıhynan syr shertip, keshegi qıly zamanda qazaq halqy taǵdyrdyń jazýymen elge kelgen ózge etnos ókilderine keń qushaq jaıyp, baýyryna tartqany, bir úzim nanyn bóliskeni týraly qyzmetkerlerge baıandap berdi. Atalmysh merekeniń basty maqsatynyń biri – óskeleń urpaqty dostyqqa, bir-birine degen qurmet pen toleranttylyqqa, otansúıgishtikke tárbıeleý, Qazaqstanda etnosaralyq kelisim men ultaralyq qarym-qatynasty nyǵaıtý ekenin atap ótti.
Áńgimeden soń qyzmetkerler ardagermen birge estelik sýretke túsip, ómir jasynyń uzaq bolýyn, búgingi merekemen shektelmeı, aldaǵy mereke kúnderi de mindetti túrde osy shańyraqqa at basyn buryp kelip turatynyn, sondaı-aq qyzmet barysynda qıyndyqtar týyndaǵan kezderde aqyl-keńester alýǵa keletitin aıtyp, jyly lebizderin bildirdi.
