Is-sharaǵa qatysqan Atyraý oblysynyń ákimi Mahambet Dosmuhambetov atyraýlyqtardy qaıyrymdylyq marafonyna atsalysýǵa shaqyrdy.
«О́tken jyl kúlli álem úshin de, elimiz úshin de kúrdeli synaqtarǵa toly boldy. Elimizde jarııalanǵan tótenshe jaǵdaı, karantındik shekteý kezinde atyraýlyqtar da qaıyrymdylyqtyń jarqyn úlgisin kórsetti. Olardyń arasynda kompanııalaar, medısına men áleýmettik sala qyzmetkerleri, quqyq qorǵaý organynyń ókilderi, eriktiler, mesenattar, sondaı-aq, muǵalimder bar. Qaıyrymdylyq marafonyna da sondaı belsendilik tanytýǵa shaqyramyn» dedi Mhambet Dosmuhambetov.
Qaıyrymdylyq marafonynda Atyraý qalasy men aýdandarda jergilikti kásipkerler arqyly az qamtylǵan 700 otbasyny jyldyq azyq-túlikpen qamtamasyz etý úshin alǵashqy sertıfıkattar tabys etildi. Al ondaǵan jyl bir bólmeli páterde turyp kelgen jeti balaly otbasyǵa Atyraý qalasynan 2 bólmeli páterdiń kilti berildi.
Sondı-aq, «Atyraý oblysynyń isker áıelderi» qaýymdastyǵynyń tóraıymy Gúljan Muhataeva eki jasóspirimniń emine jáne múmkindigi shekteýli medısına qyzmetkerine qarjylaı sertıfıkattar tabystady. Al, oblystyq ishki saıasat basqarmasynyń ujymy oblystyq balalar aýrýhanasynda onkologııalyq syrqatpen emdeletin balalar úshin 5 dana planshet tabys etti.
