QR Bas memlekettik sanıtarııalyq dárigeriniń 2021 jylǵy 27 aqpandaǵy № 9 Qaýlysy 4-qosymshasynyń 24- tarmaqshasyna jáne Shymkent qalasy Bas sanıtarııalyq dárigerdiń 01.03.2021 jylǵy №5 Qaýlysynyń 3 tarmaǵyna sáıkes mektepte oqýshylar ystyq tamaqpen qamtylmaıdy.
– Eldegi jaǵdaıǵa baılanysty oqýshylardan mektep formasy mindettelmeıdi. Sonymen birge, 1 naýryzdan bastap oqýshylardyń bilimin tolyqtyrý úshin 6,7,8 jáne 10 synypta 15 oqýshydan aspaıtyn qosymsha oqytý qarastyrylady. Mundaı qosymsha sabaqtar ata-analar men muǵalimderdiń kelisimimen júzege asyrylady, – dedi basqarma basshysy.
Bastaýysh synyptarda – oqý saýattylyǵy, matematıka, tilder, dúnıetaný, tarıh, ınformatıka, jaratylystaný, ózin-ózi taný jáne deneshynyqtyrý pánderi mektepte oqytylsa, kórkem eńbek pen mýzyka qashyqtan oqytylady.
Bitirýshi synyptar 70 paıyzy mektepte, 30 paıyzy qashyqtan oqıdy. Qashyqtan deneshynyqtyrý, eńbek, ózin-ózi taný jáne AÁD pánderi oqytylady.
Qalǵan 6,7,8 jáne 10 synyptar 15 baladan turatyn kezekshi synypta bilim alady.
Orta kásip kolledjderde 1 kýrs stýdentteri II semestrdi shtattyq rejımde oqıdy.
Oqýshylardyń ata-analary nemese oqýshy koronavırýs juqtyrsa mektep karantınge jabylmaıdy, tek synyp qashyqtan oqytýǵa kóshiriledi.
Mektepte sanıtarııalyq-epıdemııalyq talaptar qatań saqtalyp, balalardyń qaýipsizdigin jáne densaýlyǵyn saqtaý úshin barlyq jaǵdaılardy qamtamasyz etiledi
Aıta keteıik, osyǵan deıin qalada 22 mektep karantınge jabylǵan bolatyn. Qazir 4 mektep áli eki aptalyq karantınde, qalǵan mektepter iske qosylady.
