Parlament • 02 Naýryz, 2021

Májilis Tóraǵasy Qyrǵyz Prezıdentimen kezdesti

12 ret kórsetildi

Búgin Májiliste Palata tóraǵasy Nurlan Nyǵmatýlın Qazaqstanǵa alǵash ret memlekettik saparmen kelgen Qyrǵyz Respýblıkasynyń Prezıdenti Sadyr Japarovpen kezdesti, dep habarlaıdy Egemen.kz

Nurlan Nyǵmatýlın, eń aldymen, Sadyr Japarovty Qyrǵyz Respýblıkasynyń Prezıdenti bolýymen quttyqtap, Qyrǵyz eliniń damýy men órkendeýine baǵyttalǵan saıası júıeni reformalaýǵa qatysty alda turǵan mańyzdy mindetterin tabysty oryndaý úshin sáttilik tiledi.

Sonymen qatar Májilis Tóraǵasy Qyrǵyz Prezıdentiniń memlekettik sapary Qazaqstan men Qyrǵyzstan elderi Táýelsizdiginiń 30 jyldyǵynda ótip jatqanyna basa nazar aýdardy. Nurlan Nyǵmatýlın basty maqsat – tarıhı baılanysty saqtap, odan ári nyǵaıtý ekenin jetkizdi. Sondaı-aq, barlyq baǵytta, sonyń ishinde parlamenttik yntymaqtastyq arqyly baýyrlas eki eldiń dostyǵyn odan ári tereńdetý úshin tıisti jumystardy jalǵastyratynyn atap ótti.

Kezdesýde qos memleket arasynda saıası kelispeýshilikter joq ekenin jáne ekijaqty qarym-qatynastar júıeli damyp kele jatqanyn alǵa tartqan Palata spıkeri bunyń bári Elbasy Nursultan Ábishuly Nazarbaevtyń eńbegi ekenin jáne Qazaqstan Respýblıkasynyń Tuńǵysh Prezıdenti árdaıym Qyrǵyzstanmen ózara is-qımyldyń erekshe mańyzyn atap kórsetetinine toqtaldy.

Sonymen birge Memleket basshysy Qasym-Jomart Kemeluly Toqaev Qyrǵyzstanmen yntymaqtastyqqa úlken mán beretinin aıtqan Májilis tóraǵasy Qazaqstan men Qyrǵyzstannyń qarym-qatynasy jańa deıgeıge kóteriletinine nazar aýdardy. Kezdesý barysynda Nurlan Nyǵmatýlın mártebeli meımanǵa VII shaqyrylymdaǵy Parlament Májilisiniń qyzmetimen tanystyryp, parlamentaralyq yntymaqtastyqty nyǵaıtý men keńeıtýdiń mańyzy týraly aıtyp, qalyptasqan dástúrli áriptestik qarym-qatynasty jalǵastyratynyna toqtaldy. О́z kezeginde mártebeli meıman bizdiń elimizdiń jańa Parlamenttik quramynyń jumysyna sáttilik tiledi.

Sondaı-aq Qazaqstannyń Tuńǵysh Prezıdenti Nursultan Ábishuly Nazarbaevtyń eki el arasyndaǵy yntymaqtastyqty nyǵaıtý jolyndaǵy tarıhı rólin joǵary baǵalaıtynyn jáne ózara týystyq jáne dostyq qundylyqtardy odan ári órkendetýge úles qosatynyn aıtty.

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar