О́zderin agressıvti ustaǵan belsendilerdiń arasynda buryn zańǵa sáıkes jáne kezek boıynsha páter alǵandar bar ekenin atap ótken jón. Sondaı-aq, kelgenderdiń bári birneshe ret qabyldaýda, onyń ishinde elorda ákiminiń azamattardy qabyldaýynda bolǵan. Onyń qorytyndysy boıynsha olarǵa zańnamaǵa sáıkes barlyq qajetti kómek kórsetilgen bolatyn. Bul kúnderi narazylyq bildirýshi analarǵa ákim orynbasarlary - Baqtııar Máken men Nurlan Núrkenov, basqarma basshylary qosymsha túsindirip, suraqtaryna jaýap berdi.
Sonymen qatar, áıelder Eńbek jáne áleýmettik qorǵaý mınıstrligi ázirlegen «azamattardyń jekelegen sanattaryn áleýmettik qorǵaý máseleleri boıynsha» birqatar zańnamalyq aktige qanaǵattanbaıtynyn atap ótti. Eńbek jáne halyqty áleýmettik qorǵaý vıse-mınıstri Erlan Áýkenov analarmen kezdesip, olardyń usynystaryn tyńdady, zańnamalyq aktilerdiń normalaryn túsindirdi.
Aıta ketý kerek, múmkindigi shekteýli jandar úshin áleýmettik kómek pen tegin qyzmetter kórsetiledi: múgedek balany tárbıeleýshilerge aı saıynǵy járdemaqy, bala kúninen 1-toptaǵy múgedekke kútim jasaý boıynsha aı saıynǵy járdemaqy, ońaltýdyń tehnıkalyq quraldarynyń 55 túrin, sondaı-aq sanatorıı-kýrorttyq emdeýdi, qalalyq kólik marshrýttarynda tegin jol júrýdi, ınvataksıdi alý múmkindigi bar. Múgedek adamdarǵa (I, II toptar) tis protezdeý qyzmetteri; birjolǵy aqshalaı tólemder, AÁK, qatty otyn alýǵa áleýmettik kómek jáne t.b.
Elorda ákimdigi ótken jyly ǵana birqatar Ońaltý ortalyqtaryn saldy, jańa turǵyn úı keshenderiniń birinshi qabattarynda medısınalyq ortalyqtar, ońaltý ortalyqtary ashylýda, ınvataksı sany 2 esege ulǵaıdy, "úıdegi dáriger" jobasynyń 29 obektisi ashyldy jáne t.b. Atalǵan sharalardyń bári júıeli negizde júrgizilýde.
2020 jyly elorda ákimi, onyń orynbasarlary, basqarma basshylary men aýdan ákimderi 9,5 myńnan astam azamatty qabyldady. Osy jyldyń eki aıynda myńǵa jýyq qala turǵyny jolyqty.
