Tazalyq naýqanyna daıyndyqpen tanysqan oblys ákimi О́mirzaq Shókeev kúsheıtilgen rejımge kóshýdi tapsyrdy. Qala kóshelerin kúl-qoqystan tazartyp, joldardy jýýǵa arnalǵan alýan túrli tehnıka Túrkistan kóshelerine shyqty. Atalǵan jumystar tynymsyz júrgiziletin bolady. Oblys ortalyǵynda apta saıyn jalpyhalyqtyq senbilik uıymdastyrylýda. Qalany qoqystan tazartyp, janashyrlyq tanytqan jandar tal egý jumystaryna da belsendi qatysýda. Qala turǵyndary óz aýlalary men kóshe aýmaqtaryndaǵy qoqystardy shyǵaryp, aryqtardy tazalasa, qyzmetkerler mekeme mańynda tazalyq jumystaryn júrgizýde.
Qaladaǵy qurylys nysandarynda júrgizilip jatqan jumystardyń barysymen tanysqan oblys basshysy shahardy jaryqtandyrýda qolǵa alynǵan jańa jobalarmen tanysty. Túrkistandaǵy barlyq iri ǵımarattar, saıabaqtar, kópirler men demalys oryndary bir úlgide jaryqtandyrylyp, qalaǵa ózgeshe reńk beredi. Kóne shahar birneshe baǵytta kórkeıip, zamanaýı tehnologııalardyń kómegimen «aqyldy qalaǵa» aınalýda.
