«3 naýryzda О́skemen qalasynyń «Arman» balabaqshasynyń tárbıelenýshileriniń biriniń ata-anasy Shyǵys Qazaqstan oblysynyń bilim basqarmasyna «Arman» balabaqshasynyń qyzmetkerleriniń, atap aıtqanda «Erketaı» tobynyń tárbıeshisi tarapynan kámeletke tolmaǵan balaǵa qatal qaraýy jáne tárbıeleý jónindegi ózine júktelgen mindetterin tıisti dárejede oryndamaýy týraly aryzben júgindi. QR QK 140-baby 2-bóligi «Kámeletke tolmaǵan adamdy tárbıeleý jónindegi mindetterdi oryndamaý» boıynsha sotqa deıingi tergeý bastaldy. Qazirgi ýaqytta tergep-tekserý júrgizilýde. Saraptama taǵaıyndaldy», delingen ákimdik habarlamasynda.
Ákimdik taratqan málimetke sáıkes, búgingi tańda balabaqsha dırektory men tárbıeshisi QR Eńbek kodeksiniń 52-baby aıasynda qyzmetterinen bosatylǵan. Búgin ShQO bilim basqarmasynyń basshylyǵy balabaqshanyń ata-analarymen kezdesý ótkizedi. Sondaı-aq, qalanyń úzdik psıhologtary balalarmen jumys isteýge tartylady. Másele oblys basshylyǵynyń baqylaýynda.
