Is-sharaǵa memleket jáne qoǵam qaıratkeri Myrzataı Joldasbekov, aqyn, balalar jazýshysy Baıanǵalı Əlimjanov, Qazaqstan Jazýshylar odaǵy Nur-Sultan qalasy fılıalynyń dırektory Dáýletkereı Kəpuly, t.b. zııaly qaýym ókilderi qatysty.
Memleket basshysy Qasym-Jomart Toqaev Ulttyq qoǵamdyq senim keńesiniń IV otyrysynda balalar men jasóspirimder arasyndaǵy oqý máselesiniń mańyzdylyǵyn atap ótken bolatyn. Sondaı-aq bul máseledegi kitaphanalardyń mártebesine nazar aýdara otyryp, elimizdiń barlyq turǵyndarynyń kúsh-jigerin qazaqstandyq oqyrman urpaqty tárbıeleýge shaqyrdy.
Kezdesý barysynda Aqtoty Rahmetollaqyzy balalar men jasóspirimderdiń shyǵarmashylyq qabileti men jańa bastamalaryna mınıstrlik árqashan qoldaý kórsete beretindigin aıtty.
«Aldaǵy ýaqytta ál-Farabı babamyzdyń «Tárbıesiz berilgen bilim – adamzattyń qas jaýy» degen sózi barsha balalarymyzdyń boı túzer baǵdary bolýy tıis. Iаǵnı bizdiń urpaǵymyz ózin jeke tulǵa retinde damytýmen qatar memlekettiń ozyq ınnovasııalaryna saı zor úles qosýy qajet.
Sonyń ishinde, týǵan jerge, qorshaǵan ortasyna, óz mádenıeti men ádebıetine qurmetpen qarap, óz ortasynda, dostarynyń arasynda ulttyq qundylyqtardy dáripteýi tıis. Osy oraıda, 2021 jyldyń Qazaqstanda «Balalar men jasóspirimderdiń kitap oqýyn qoldaý jyly» dep jarııalanýy dál osyndaı baǵyttaǵy óte qajetti, durys bastama dep sanaımyz», dedi mınıstr. Sondaı-aq bul sharalardyń el Táýelsizdiginiń 30 jyldyǵyna oraı uıymdastyrylyp otyrǵandyǵyn da atap ótti.
Is-sharada manasshy, Qazaqstannyń eńbek sińirgen qaıratkeri Baıanǵalı Əlimjanov «Biz bala kúnimizde kitap oqydyq. Ol kezde smartfon, ınternet bolǵan joq. Kitapty talasyp oqıtyn edik. Bizge akademık Málik Ǵabdýllın sabaq bergen kezde «Qaraqtarym, kúnine kem degende 1 saǵattaryńdy orys, qazaq, shetel ádebıetine arnańdar. Sonymen sender talaı jerge barasyńdar» deıtin. Endi osy kúni men 1 saǵat emes,
15-20 mınýttaryńdy bólseńder de jaman bolmaısyńdar deımin», dep kezdesýge qatysqan balalardy kitap oqýǵa shaqyrdy.
